NAV Øygarden er ein spennande arbeidsplass i utvikling, med om lag 80 tilsette fordelt på fire avdelingar. Vi har ansvar for tenester etter folketrygdlova, Nav-lova og lov om sosiale tenester i Nav.

Vi arbeider for at menneske som treng bistand, skal få moglegheit til arbeid og aktivitet. Vi samarbeider tett med næringslivet og hjelper folk til å bli meir sjølvhjelpne.

Vi ser etter deg som er oppteken av utvikling, rettleiing og å motivera andre. Du må kunna samarbeida godt med brukarar, arbeida sjølvstendig og vera ein aktiv del av eit team.

 

Vi har ledig to vikariat med mogleg lenging. Det eine vikariatet er til 31.12.2026, det andre er til 28.02.2028, begge med mogeleg lenging.

Arbeidsoppgåver

• Kartleggja, avklara og følgja opp brukarar som får tenester etter lov om sosiale tenester
• Gi råd, informasjon og rettleiing
• Behandla søknader om sosialhjelp
• Delta i vaktordning med vakttelefon og andre oppgåver i avdelinga
• Samarbeida med andre avdelingar i NAV og med tenester i kommunen
• Bidra til å bli betre kjende med andre tenester og finna gode løysingar

Kvalifikasjonar

Krav:

• Minst treårig relevant høgare utdanning
• Bachelor i sosialt arbeid, helse- og sosialfag eller samfunnsfag

Det er ein fordel om du har:

• God munnleg og skriftleg framstillingsevne
• Gode samarbeidsevner
• Kompetanse i relasjonsbygging
• Rettleiingskompetanse
• God økonomisk forståing
• Erfaring frå NAV
• Erfaring med fleire datasystem

Personlege eigenskapar

• Du møter brukarar der dei er
• Du arbeider både sjølvstendig og i team
• Du bidreg til godt samarbeid med brukarar, kollegaer og samarbeidspartnarar
• Du arbeider strukturert og beheld oversikta i ein travel kvardag
• Du bidreg til eit godt arbeidsmiljø

Vi legg vekt på relevant erfaring og personlege eigenskapar.

Arbeidsstad

Du får arbeidsplass i nye lokale på Solsio, ved sidan av Sartor senter.

Vi tilbyr

• Gode pensjons- og forsikringsordningar
• IA-verksemd
• Dyktige og motiverte kollegaer
• Varierte og interessante oppgåver
• Moglegheit for fagleg og personleg utvikling
• Eit godt arbeidsmiljø
• Lønn etter gjeldande avtaleverk i Øygarden kommune

Kontakt:

Avdelingsleiar Service og velferd Lin-Torill Fjelde telefon 992 12 951 eller mail: lin.torill.fjelde@nav.no.

Øygarden kommune ønskjer eit arbeidsmiljø prega av mangfald, og at våre medarbeidarar i størst mogleg grad skal spegla mangfaldet i befolkninga. Vi oppmodar alle som er kvalifiserte til å søkja jobb hos oss uansett alder, funksjonsevne, kjønn, eller minoritetsbakgrunn. Som IA-verksemd ønskjer kommunen å leggja til rette for arbeidsforholda dersom du har behov for det.

Etter utløpet til søknadsfristen, vert det sett opp ei offentleg søkjarliste med namn, alder, stilling eller yrkestittel og bustads- eller arbeidskommune for kvar søkjar. Det kan gjerast unntak frå innsyn for opplysningar om ein søkjar dersom vedkomande sjølv ber om det. Opplysningar om ein søkjar, kan verta offentlege sjølv om søkjaren har bede om ikkje å vert ført opp på søkjarlista. Dersom oppmodinga ikkje vert teken til følgje, vert søkjaren varsla om dette. Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga.