Bygg- og eigedomsforvaltning har ansvar for forvaltning, drift og vedlikehald av alle bygningar som Sunnfjord kommune eig. Dette er administrasjonslokale, skular, barnehagar, institusjonar, kulturbygg, idrettsanlegg, symjebasseng og kommunale bustader. Vi administrerer og utfører dagleg tilsyn, drift og vedlikehald av bygningar og tekniske installasjonar, samt tilknytt uteområde for våre bygg. Eininga har 34 tilsette der 23 er byggdriftar/vaktmeister.

Vi søker etter:

• byggdriftar i 100 % fast stilling

Ansvarsområde er i første omgang lokalisert til byggdriftar- base på Skei, som til saman har 3,6 årsverk. Men stillinga kan også omfatte andre oppgåver andre stadar i kommunen, og byggdriftarane vikarierer for kvarandre ved ferie og fråvær. Område og byggansvar kan bli endra på.  Arbeidet er på dagtid mandag til fredag, men behov for å vere til stades på andre tidspunkt kan førekomme. Sunnfjord kommune praktiserer fleksitid og byggdriftar disponerer arbeidstid innanfor råma av fleksitid.

Ønske om kvalifikasjonar:

• relevant handverks fagbrev, t.d. byggdrift, tømrar, røyrleggar, elektrikar
• erfaring med oppgåver innan byggdrift
• liftkurs
• stillaskurs

Vi søker deg som:

• har gode samarbeidsevner, men som og kan arbeide sjølvstendig på eige initiativ
• likar fysisk arbeid og taklar ein hektisk og variert arbeidskvardag
• er positiv til å tileigne seg ny kunnskap og kompetanse
• er serviceinnstilt, ansvarsfull, påliteleg og omgjengeleg
• har grunnleggande datakunnskap
• kommuniserer godt på norsk
• har førarkort klasse BE

Vi kan tilby ein arbeidskvardag med varierte arbeidsoppgåver i eit godt arbeidsmiljø.  Ordna arbeidsforhold med medlemskap i KLP og løn etter tariff.

Velkomen som søkar, vi ser fram til å høyre frå deg!