Er du flink med menneske, glad i å laga til og servera mat, då kan du vera ein av dei me ser etter! 

• Me søkjer fleire matvertar til Strandebarm omsorg i ulike stillingsprosentar. Det er behov for matvertar på dagtid i større stillingsprosentar, i tillegg til kortare vakter ettermiddag/kveld og i helg.
• Kanskje er dette noko for deg som er student/elev og ønskjer ei mindre stilling på ettermiddag og helg? Du kan søkja sjølv om du ikkje har fylt 18 år.

Matvertprosjektet i pleie og omsorg har vore vellukka og vert vidareført som faste stillingar frå 1.4.25. Matverten sin hovudfunksjon er å sørgja for hyggelege måltid der bebuarane skal få servert smakfull og næringsrik mat som er tilpassa deira individuelle behov og preferansar. Det vil og vera ein del arbeid med å ha oversikt over og etterfylle varer. Matvertane vil få opplæring av klinisk ernæringsfysiolog. Stillingane inkluderer ikkje pleieoppgåver.

 

• Arbeidsoppgåver
• Førebu, laga til, servera og delta i måltida  
• Hjelpa til i spisesituasjonen
• Dekka bord og sørga for hyggelege omgjevnader 
• Rydda, vaska opp og sørga for reine og ryddige kjøkken/spiseområde 
• Følgja rutinar i samsvar med IK-mat (internkontroll)
• Sørga for utpakking og påfylling av lager 

Kvalifikasjonar

• Evne til å skapa gode måltidsopplevingar
• Som matvert må du ha god ordenssans og forståing av hygiene kring tillaging og servering av mat
• Det er ynskjeleg at du har noko kunnskap om tillaging av mat og måltider
• Erfaring frå jobb som matvert eller kjøkken/restaurant er ein fordel
• Gode norskkunnskapar, både munnleg og skriftleg (tilsvarande B1)
• Du må vera fylt 16 år og ferdig med ungdomsskulen

Personlege eigenskapar

• Likar og har respekt for eldre
• Blid og omgjengeleg
• Trivast i ei vertskapsrolle 
• Sosial og flink med menneske
• Løysingsorientert
• Kan arbeida sjølvstendig, systematisk, ryddig og strukturert

 Me tilbyr

• Verdifull arbeidserfaring innan eit nytt konsept i pleie og omsorg
• Meiningsfullt arbeid i eit godt arbeidsmiljø
• Opplæring i samarbeid med ernæringsfysiolog
• Løn etter gjeldande tariffavtale og lokalt lønssystem
• Gode forsikrings- og pensjonsordningar

Generell informasjon: Den kommunale organisasjonen skal i størst mogleg grad spegla mangfaldet i befolkinga. Målet er difor å oppnå ei balansert samansetjing når det gjeld alder, kjønn og kulturell bakgrunn. Kvam herad ønskjer å inkludera og leggja til rette for personar med nedsett funksjonsevne. 

I Kvam herad er det offisielle styringsmålet nynorsk. Alle tilsette i alle kommunale organ pliktar å nytta nynorsk skriftspråk i tenesta. 

Me gjer merksam på at etter offentleglova § 25 kan opplysningar om søkjaren bli offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje vert teke til følgje, vert søkjaren varsla om dette