Vi søkjer ein engasjert og motivert sjukepleiar til nattstilling i heimetenesta

Heimetenesta i Øygarden kommune er ei dynamisk, spanande og framoverlent arbeidsplass. Vi legg til rette for at brukarane skal få bu heime så lenge som mogeleg. Det oppnår vi ved å gje innbyggjarane gode tenester og førebyggje auka behov for hjelp. Vi er ei teneste i vekst og som er i konstant utvikling. Innbyggjarane våre har behov for at du som tilsett er engasjert, motivert, kreativ og kunnskapsdyktig.

Øygarden kommune har som verdigrunnlag: Stolt, på lag, med glød, modig

Om du kjenner deg igjen, bli med oss på laget!

Heimetenesta i Øygarden kommune høyre til kommunalsjefområdet Helse og velferd og er inndelt i tre avdelingar etter geografisk område. Det er felles oppmøtestad for nattenesta sentralt på Straume . Hos oss jobbar det mange dyktige tilsette, som bidreg til godt arbeidsmiljø og gode tenester ut til brukarane.  Hos oss er ingen arbeidsdagar like og du som medarbeidar jobbar sjølvstendig med god hjelp i dine kollegaer.

Vi har godt samarbeid på tvers i Helse og velferd og samarbeider blant anna med tverrfagleg vurderingsteam, kreftkoordinator og demenskoordinator

Stilling: 

Sjukepleiar natt 60% fast der 10% av stillinga er timebank, ledig etter avtale. Årsturnus med 16 arbeidshelger. Mogleg med fleire arbeidshelger mot kompensasjon.

Som sjukepleiar på natt vil ein ha ansvar for heimebuande brukarar som har behov for hjelp om natta, samt dei som har tryggleiksalarm. Ein arbeider i team saman med ein sjukepleiar eller helsefagarbeidar

Vi tilbyr:

Eit triveleg og lærerikt tverrfagleg arbeidsmiljø med dyktige kollega som jobbar målretta.

Gratis parkering, gode pensjons- og forsikringsordningar.

Høve til å søkje startlån for å rekruttere og behalde helsepersonell. Ingen krav til eigenkapital og opptil 100% finansiering av eigen bustad: Startlån for førstegangsetablerarar - Øygarden kommune

Eit sterkt fagmiljø med dyktige medarbeidarar og mentorordning for nytilsette

Varierte, utfordrande og spennande arbeidsoppgåver.

Fast internundervisning og årlege fagdagar for alle tilsette

Personlege eigenskapar:

Vi ønskjer deg som har eit engasjement for å bidra til at våre innbyggjarar skal få bu heime så lenge det er mogeleg. Du liker å jobbe sjølvstendig og i team.

Du er fleksibel og klarer å prioritera arbeidsoppgåver, sjølv om det oppstår uforutsette hendingar.

Du held deg fagleg oppdatert, er trygg på ditt kompetanseområde, nysgjerrig på nye oppgåver og har ei positiv innstilling.

Det vert blir vektlagt at du er personleg egna.

Kvalifikasjonar for stillinga:

Autorisasjon som sjukepleiar

God munnleg og skriftleg framstillingsevne

Førarkort klasse B

Erfaring frå heimetenesta er eit fortrinn.

Sjukepleiar studentar som er ferdig våren 2025 oppmodast til å søkje

Kontakt:

Ass. Einingsleiar Kate S. Løland, tlf 56160502 / 950 71 121

Anna:

Sjukepleiarar og spesialsjukepleiarar i fast turnus er løna kr 35.000,- pr. år over gjeldande tariff.

Vernepleiarar og spesialvernepleiarar i fast turnus er løna kr 25.000,- pr. år over gjeldande tariff.

Sjukepleiarar og spesialsjukepleiarar i fast turnus på natt får eit ubekvemstillegg på kr 40.000,- ( justert etter st. %)

Øygarden kommune ønskjer eit arbeidsmiljø prega av mangfald, og at våre medarbeidarar i størst mogleg grad skal spegla mangfaldet i befolkninga. Vi oppmodar alle som er kvalifiserte til å søkja jobb hos oss uansett alder, funksjonsevne, kjønn, eller minoritetsbakgrunn. Som IA-verksemd ønskjer kommunen å leggja til rette for arbeidsforholda dersom du har behov for det.

Etter utløpet til søknadsfristen, vert det sett opp ei offentleg søkjarliste med namn, alder, stilling eller yrkestittel og bustads- eller arbeidskommune for kvar søkjar. Det kan gjerast unntak frå innsyn for opplysningar om ein søkjar dersom vedkomande sjølv ber om det. Opplysningar om ein søkjar, kan verta offentlege sjølv om søkjaren har bedeom ikkje å vert ført opp på søkjarlista. Dersom oppmodinga ikkje vert teken til følgje, vert søkaren varsla om dette.Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga.