Har du lyst å vere med å forme framtidas omsorgstenester i Sunnfjord kommune? Då er dette stillinga for deg!

Sunnfjord kommune har vedteke å bygge nytt omsorgssenter i Førde innan 2030. Det er bestemt at omsorgssenteret skal ha ca. 70 plassar og vere demensvenleg. Vi søkjer no etter ein rådgjevar som skal jobbe med kva tenester vi skal ha i det nye omsorgssenteret og i institusjonstenestene samla sett  i Sunnfjord kommune. Stillinga er 50 % i inntil 1 år, men forlenging kan bli vurdert.

Tilbodet i nytt omsorgssenter må sjåast i samanheng med det eksisterande tilbodet i kommunen, samt behovet til innbyggarane. Stillinga vil samarbeide tett med byggfagleg prosjektleiar og arkitekt.

Stillinga vert lokalisert hos fagutvikling som er ei stabseining til kommunedirektøren med kontorstad på Sunnfjord rådhus.

Vi har ledig stilling: 

• Rådgjevar 50 % i inntil 1 år, men kan bli vurdert forlenga. 

Aktuelle arbeidsoppgåver:

• Leie arbeidet med kva tenester vi skal ha i nytt omsorgssenter
• Sikre forankring og drive medverknadsprosessar blant tilsette og innbyggarar i heile kommunen for å avklare kva behov vi har
• Sikre at tenesteinnhald er i samsvar med alle relevante lover og forskrifter
• Bidra til å skape eit omsorgssenter som blir ein attraktiv arbeidsplass med gode fagmiljø

Krav til deg som søkar:

• Bachelor innan helse- og sosialfag, med relevant mastergrad
• God kjennskap til lovverk og forskrifter innan helse- og omsorgssektoren

Vi ynskjer at du har erfaring med: 

• Drift og leiing av institusjon eller tilsvarande tenester
• Prosjektleiing
• Medverknadsprosessar

Vi søker deg som :

• Har evne til å skape tillit og bygge gode relasjonar
• Er sjølvstendig i arbeidet
• Har evne til å motivere og skape engasjement blant tilsette og innbyggarar
• Er framtidsretta, fagleg oppdatert og engasjert, og ein pådrivar for  sikre tenester av god kvalitet
• Er strukturert, løysingsorientert og resultatorientert

Vi tilbyr:

• Ei spennande stilling med høve til å påverke utviklinga av omsorgstenestene i kommunen vår.
• Et godt og fagleg sterkt arbeidsmiljø med engasjerte kollegaer
• god pensjons- og forsikringsordning

Velkomen som søkar, vi ser fram til å høyre frå deg!

Du må søke elektronisk.