Me søkjer no etter fleire leikne og dyktige lærarar som kan tenkje seg å bli med på laget til Nedre-Ål og Skattebøl skule! Me har både faste og mellombelse 100% stillingar, og det er ønskeleg med snarast mogeleg oppstart.

Me treng deg som har godkjent lærarutdanning og som ønskjer å vere med å utvikle skulen vår vidare. Me ønskjer å finne nokon som har stort engasjement for elevane si læring, samt er nysgjerrig på å lære sjølv og likar å vere i utvikling. «Betre læring» er vår lokale oppvekstplan og visjonen vår er: «Alle som veks opp i Ål skal bli rotfaste og flygedyktige».

Dei siste åra har det vorte arbeidd med ei stor IKT-satsing, Det er innført iPad til kvar elev og ny teknologi vert vektlagt i undervisninga. Barn og unge i Ål skal oppleve at teknologien blir brukt på ein sunn og trygg måte for å lære, skape og utforske. Avdelingane i oppvekstsektoren har fokus på inkludering og gode rutinar for tverrfagleg samarbeid. Me oppfordrar både nyutdanna og erfarne lærarar til å søkje hjå oss!

Ønsket kvalifikasjonar

• lærar med allmennlærarutdanning, GLU 1.-7 eller 5.-10 og/eller kompetanse i basisfaga
• godkjent og relevant fagleg og pedagogisk kompetanse
• kompetanse og erfaring med bruk av digitale verktøy

 Arbeidsoppgåver

• undervisning og tilrettelegging på 1.-7. trinn
• leia, analysera og fylgja opp elevane si læring
• vere med å skape eit trygt og inkluderande læringsmiljø
• vere ein aktiv deltakar og bidragsytar i skulane sitt profesjonelle læringsfellesskap
• samarbeid med kollegaer og andre instansar
• kontaktlæraransvar kan bli aktuelt

 Personlege eigenskapar

• me ser etter deg som held hovudet kaldt og hjarta varmt
• du er ein tydeleg klasseleiar og er i stand til å skape trivsel, motivasjon og vekst hjå den enkelte
• du kommuniserer godt og er i stand til å etablere gode relasjonar med elevar, føresette og kollegaer
• du ser verdien av å arbeida saman som eit lag med eit kollektivt ansvar for elevane si læring
• du er positiv, fleksibel og løysningsorientert
• du brenn for læraryrket og ønskjer å bidra til god læring for elevane

Me tilbyr

• ein arbeidsplass med eit godt og utviklande arbeidsmiljø
• humor og glede i kvardagen saman med gode elevar og kollegaer
• ein kultur der me deler kunnskap og erfaring med kvarandre
• lønn og arbeidsvilkår i samsvar med lov og avtaleverk
• rettleiing for nytilsette/nyutdanna
• hjelp til å finne bustad
• kontaktlærartillegg
• god ordning for etter- og vidareutdanning
• fantastiske moglegheiter for friluftsliv og kulturliv

 Søknad og politiattest

• vitnemål og attestar legg du inn saman med søknaden
• den som vert tilsett må legge fram politiattest ikkje eldre enn tre månadar
• intervju og tilsetjing kan skje fortløpande i søknadsperioden
• kommunen følgjer offentleglova § 25 ved eventuell offentleggjering av søkjarlista

Velkomen hjå oss som søkjar!

Litt om skulene:

Nedre-Ål skule er full av engasjerte folk som er opptekne av leikbasert, aktiv læring, uteskule og smart bruk av digitale hjelpemiddel. Me har to-lærarmodell i alle fag på 1. og 2. trinn, og i norsk, engelsk og matte frå 3. trinn, samt solide fagarbeidarar og eit team med supre miljørettleiarar. Skulen har 229 elevar på 1.-7. trinn.

Skattebøl skule er ein 1- 4 skule med 32 elevar. Me ligg lengst vest i kommunen, med fleire flotte uteområde som blir nytta i undervisninga til alle årstider. Personalet er innovative og har fokus på tilpassa opplæring.