100% fast stilling som lærar med kompetanse i teiknspråk

 

Om stillinga

Sogndal opplæringssenter blei oppretta 1.1.2020 og har ansvaret for all vaksenopplæring etter Opplæringslova, Integreringslova og Introduksjonslova i Sogndal kommune. Opplæringssenteret har 14 tilsette og om lag 90 deltakarar som får opplæring. Undervisninga går føre seg i Balestrand, Leikanger og Sogndal. Sogndal opplæringssenter har no ledig 100% fast stilling som lærar med kompetanse i teiknspråk, der opplæring i teiknspråk vil vere ein del av stillinga.

 

Arbeidsoppgåver:

· Planlegge og gjennomføre opplæring og oppfølging av elev med trong for teiknspråk

· Samarbeid med andre aktuelle instansar

· Norskopplæring, grunnskuleopplæring eller spesialundervisning for vaksne

 

Kvalifikasjonar:

· Vi søker etter lærar med kompetanse i teiknspråk og gjerne spesialpedagogisk kompetanse.

· Formell kompetanse i norsk og/eller utdanning/erfaring frå opplæring av minoritetsspråklege elevar er ein fordel

 

Personlege eigenskapar som vert vektlagt:

· Gode mellommenneskelege eigenskapar, engasjement og evne til å ta initiativ

· Evne til samskaping og bidra inn i profesjonsfellesskapet

· Kreativ og utforskande

· Fleksibel, tilpassingsdyktig og utviklingsorientert

· Empatisk og ha evna til å sjå heile mennesket

 

Me tilbyr:

• Ein spanande jobb i skular med innbydande nærmiljø som opnar opp for praktisk og variert undervisning

• Fagleg fellesskap i og utanfor klasserommet. Spanande og krevjande arbeidsoppgåver med stor grad av sjølvstende

• Gode moglegheiter for kompetanseutvikling

• Gode pensjons- og forsikringsordningar og velferdsordningar

 

Me ønskjer eit arbeidsmiljø prega av mangfald, og at våre tilsette skal spegla folkesetnaden elles. Me oppfordrar alle som er kvalifisert til å søkja jobb hos oss uansett alder, funksjonsevne, kjønn eller minoritetsbakgrunn. Me legg vekt på å leggje til rette arbeidsforholda dersom du har behov for det.

Administrasjonsmålet i kommunen er nynorsk. Alle nytilsetjingar vert gjort med ei prøvetid på 6 månader. Me gjer merksam på at i følgje offentleglova § 25, 2. ledd kan opplysningar om søkjaren bli offentleggjort, sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort.

Søknadar må leverast innan fristen og må sendast inn via rekrutteringssystemet vårt  EasyCruit.