Vil du vere med og gjere ein forskjell for barn, unge og familiar?
I Sula kommune jobbar vi etter visjonen «Vilje til å lukkast saman». No søkjer vi ein engasjert medarbeidar til eit vikariat i barnevernstenesta, der du får vere del av eit fagmiljø som arbeider for trygge oppvekstvilkår for barn og unge. 

Tiltakseining for barn og unge (TBU), fagområde Barnevern, har ledig 100 % vikariat som kontaktperson med oppstart så snart som mogleg. 

Tiltakseining for barn og unge (TBU) består av barnevern, helsestasjon og PPT. Barneverntenesta har avdelingsleiar og er organisert i to team; undersøking/tiltak og omsorg/ettervern. Vikariatet er knytt til team undersøking/tiltak. Intervju blir gjennomført fortløpande i utlysningsperioda. 

Den som blir tilsett må ha førarkort og kunne nytte eigen bil. 

Vi forventar at den som blir tilsett arbeider i tråd med Sula kommune sin BTI-rettleiar (Betre Tverrfagleg Innsats) og tek aktiv del i tverrfagleg samarbeid rundt barn, unge og familiar. 

Hos oss får du arbeide i eit sterkt tverrfagleg fagmiljø med stor variasjon i arbeidsoppgåver, høg grad av samarbeid og moglegheit til å påverke utviklinga av tenestene våre. 

Kvalifikasjoner:

• Barneverns- eller sosialfagleg utdanning.  
• Anna relevant høgare utdanning kan vurderast. 
• Erfaring frå arbeid i barnevernsteneste og bruk av fagsystemet Visma Flyt barnevern er ein fordel. 
• Arbeidserfaring frå kommunalt barnevernsarbeid. 
• Relevant vidareutdanning vil bli vektlagt positivt.  
• God munnleg og skriftleg framstillingsevne på norsk. 
• Førarkort klasse B.  

Personlige egenskaper:

• Du verdset samarbeid og ser styrken i å lukkast saman med kollegaer, samarbeidspartnarar og familiar. 
• Du ser barn, unge og familiar i eit heilskapleg perspektiv. 
• Du har gode relasjons- og samarbeidsevner. 
• Du er fagleg trygg og nytenkande. 
• Du arbeider sjølvstendig og strukturert. 
• Du er fleksibel og handterer ein variert og til tider uforutsigbar arbeidskvardag. 
• Du bidreg til eit godt arbeidsmiljø med humor og ei positiv innstilling. 
  
   Personleg eignaheit vil bli tillagt stor vekt.  

Vi tilbyr:

• Eit arbeidsmiljø prega av samarbeid og vilje til å lukkast saman.  
• Spennande og varierte arbeidsoppgåver.  
• Gode moglegheiter for fagleg og personleg utvikling.  
• Gratis parkering.  
• Tilgang til tenestebil og kompensasjon for bruk av privat bil i tenesta.  
• Fleksitidsordning. 
• Gode pensjons- og forsikringsordningar. 
• Lønn etter gjeldande tariff.