Sunnfjord kommune ligg midt mellom Bergen og Ålesund og har om lag 22 400 innbyggarar. Kommunen vart etablert i 2020 gjennom samanslåing av fire kommunar. I 2024 vedtok kommunestyret planen «Saman om EIN god oppvekst» – ein førebyggande plan for barn og unge som legg føringar for tverrfagleg samarbeid og heilskaplege tenester i kommunen.

Vil du vere med å gjere ein forskjell? Vi søker deg som er engasjert i barn og unge sin oppvekst, og som ynskjer å bidra til trygge og gode livsvilkår for barn og familiar i Sunnfjord. Du tør å stå i krevjande situasjonar, bygge relasjonar og møte menneske i sårbare livssituasjonar med respekt og tydelegheit.

Sunnfjord barnevern har 29,5 årsverk og har arbeidsstad på rådhuset i Førde. Vi er organisert etter ein spesialistmodell med eit undersøkingsteam, oppfølgingsteam og omsorgsteam. I tillegg har vi eit eige familieteam (tiltaksteam) og ein kontorfagleg stab som tek i vare administrative funksjonar.  

Vi har ledig:

• 100 % fast stilling som kontaktperson
• 100 % vikariat som kontaktperson, til og med 01.08.27

Begge stillingane er per i dag knytt til oppfølgingsteamet.

Arbeidsoppgåver og ansvarsområde:

• sakshandsaming etter barnevernlova og anna relevant regelverk
• utarbeide og følgje opp tiltaksplanar, og evalueringar som eit verktøy i det faglege arbeidet
• samtalar og oppfølging av barn, ungdom og familiar med hjelpetiltak
• tverrfagleg samarbeid og koordinering av arbeidet med aktuelle instansar
• dokumentasjon av arbeidet i fagsystemet Modulus Barn
• førebu saker for og møte som partsrepresentant i Barnevern- og helsenemnda og andre rettsinstansar
• samarbeide med andre team i tenesta og eksterne instansar
• delta i saksgjennomgang, rettleiing og anna kompetanse- og fagutvikling i tenesta
• akuttarbeid

Noko reiseverksemd og arbeid utover vanleg arbeidstid (ettermiddag-/kveld) må påreknast.

Kvalifikasjonar:

• bachelor i barnevern eller sosialt arbeid
• anna relevant bachelor kan vurderast ved relevant erfaring
• erfaring frå første- eller andrelinje barnevern er ynskjeleg
• god skriftleg og munnleg framstillingsevne
• førarkort klasse B

Vi søker etter deg som:

• arbeidar strukturert og målretta, både sjølvstendig og i team
• har god relasjonskompetanse og evne til fagleg refleksjon
• utfører arbeidet med respekt for barn og deira familiar
• har gode samarbeidsevner, arbeidar løysingsorientert og er trygg i møte med komplekse situasjonar
• tek barns medverknad på alvor
• har god arbeidskapasitet og handtera høgt arbeidstempo, samtidig som du har god oversikt  
• tek ansvar for eigne oppgåver og deltek aktivt i å skape eit godt og utviklingsfremjande arbeidsmiljø
• har gode IKT-kunnskapar og handterer dokumentasjonsarbeid i digitale fagsystem på ein strukturert og nøyaktig måte

Vi tilbyr:

• rettleiing – både individuelt og i gruppe  
• fagleg utvikling og gode moglegheiter for kompetanseheving/vidareutdanning
• eit sterkt arbeidsmiljø med engasjerte kollegaer
• fleksibel arbeidstid
• rekrutterings- og stabiliseringstillegg på kr. 20.000,-
• gode pensjonsordningar

Krav om gyldig politiattest før start i stillinga.

Du søker elektronisk.

Vi oppmodar alle kvalifiserte kandidatar til å søke, uavhengig av kjønn, alder, funksjonsevne, eller kulturell bakgrunn.

Velkommen som søkar!