Vi har ledig ei 100 % fast stilling som fysioterapeut. Stillinga har faste arbeidsoppgåver innan fysikalsk behandling/opptrening, aktiv på dag grupper og anna friskliv- og helsefremjande arbeid, samt rehabilitering i institusjon.

Evt andre fagområder innan fysiofaget kan på sikt bli aktuelt å utvikle ved behov og interesse/kompetanse for det.

I denne stillinga får du delta i eit samfunnsnyttig og ansvarsfullt arbeid med trygge støttespelarar. Vi har eit kjekt og fagleg utviklande arbeidsmiljø med høg grad av autonomi der ein sjølv tek ansvar for å organiserer arbeidsdagen. Fysio- og ergoterapitenesta held til i lokale ved Helsetunet i Dale i Sunnfjord. Tenesta har 5 heile stillingsressursar fordelt på ein ergoterapeut og 4 fysioterapeutar inkludert turnuskandidat.

Vi ser etter ein person som har interesse for fysikalsk behandling og frisklivsarbeid/rehabilitering. Vi ynskjer oss ein fysioterapeut som likar å jobbe strukturert og målretta med fokus på pasientoppfølging gjennom arbeidsdagen og som har gode samarbeid- og kommunikasjonsevner.

Arbeidsoppgåver

• Fysikalsk behandling/opptrening, mest individuell kurativ fysioterapi men også gruppebehandling ved behov
• Aktiv på dag-grupper og anna friskliv- og helsefremjande arbeid
• Rehabilitering

Kvalifikasjonar

• 3 årig høgskuleutdanning som fysioterapeut med godkjent autorisasjon
• Førarkort kl. B
• Gode norskkunnskapar, skriftleg og munnleg
• Politiattest og godkjent MRSA- og tuberkulinattest må leggast fram før tiltreding

Personlege eigenskapar

• Evne til å jobbe sjølvstendig og i team
• Er ansvarsbevisst og strukturert
• God evne til samarbeid og kommunikasjon
• Målretta

Personlege eigenskapar vil bli vektlagt.

Vi tilbyr

• Løn etter utdanning og erfaring
• Godt arbeidsmiljø
• Erfarne støttespelarar i kollegiet
• Gode pensjons- og forsikringsordningar

Vi gjer merksam på at søkjarliste med namn, kjønn, alder og noverande stilling i utgangspunktet er offentleg. Dersom det ikkje er særlege grunnar for å unntak offentleggjering, vil søkjaren verte kontakta og få høve til å trekke søknaden sin før søkjarliste vert gjort offentleg.