Høyland skule har behov for ein fagarbeidar til å støtte og vegleie elevar som har kome som flyktningar til Norge. Primært blir arbeidsoppgåvene å støtte elevar som bur på Hå mottakssenter. Me underviser etter læreplanen i grunnleggjande norsk for språklege minoritetar.

Stillinga er 70 % for skuleåret 2026/2027 med moglegheit for forlenging. Tiltredelse 01.08.26. Arbeidstida følger skuleruta og blir fordelt over 5 skuledagar.

Stillinga kan fordelast mellom to fagarbeidarar. Men det er å foretrekke at du kan jobbe 70 %

Kvalifikasjonar
• Det er ein fordel at du kan ukrainsk og har gode norsk kunnskaper.
• relevant utdanning ifht barn er å foretrekke, men personlege eigenskapar og relevant erfaring vil vektleggast.

Eigenskapar
• flink til å skapa gode relasjonar og tryggleik
• god til å samarbeida
• flink til å planleggje, gjennomføre og evaluere
• løysingsorientert, fleksibel og kan handtere endringar

Attestar og vitnemål
Vi ber om at du lastar opp attestar og vitnemål, i PDF-format, saman med søknaden din. Utenlandske vitnemål må vera godkjende av Direktoratet for høyere utdanning og kompetanse (https://hkdir.no) og utenlandske attestar oversatte til eit skandinavisk språk eller engelsk.

Politiattest
Gyldig politiattest nyare enn tre månader må leverast før tiltreding.

Tilsetjingsvilkår
Tilsetjinga skjer på dei vilkår og med dei plikter som framgår av utlysninga, og dei til einkvar tid gjeldande lovar, regler og tariffavtalar. Kommunen har gode pensjons- og forsikringsordningar med ulykkesforsikring i fritida. Kommunen har ei prøvetid på 6 månader og regler for flyttegodtgjersle.