Skattebøl barnehage har no ledig 80% mellombels stilling for fagarbeidar/assistent med oppstart snarast og fram til 15.08.25, med mogleighet for forlenging. 

Å jobbe i barnehage er ein gjevande, varierande og interessant jobb. Arbeidet med barn er meiningsfylt, og nettopp du kan vere med på å gjera ein forskjell for fleire av barna.

Skattebøl barnehage er ein to-avdelings barnehage som ligg fint til i eit skogholt, i Granhagen/ Nossgrenda, ca. 3 km frå Ål sentrum. Barnehagen har eit stort og variert uteområde, med gode turalternativ i nærmiljøet. Me likar å kalle oss ein «kulturbarnehage».  Dette året har barnehagen ei tredje avdeling plassert i bygget til Skattebøl skule. Les meir om barnehagen på Ål kommune sine heimesider; www.aal.kommune.no.  

Du vil arbeide saman med profesjonelle, fagleg dyktige og engasjerte pedagogar og assistentar. Alle desse gjer ein stor innsats for at alle barna i barnehagen skal ha ein god dag.

I Skattebøl barnehage set me «Den gode kvardagen» i høgsetet; ein kvardag der personalet arbeider tett på barna, og der barnas leik er høgt verdsett. 

Me ønskjer at du:

• trivast i lag med små barn
• helst har utdanning som barne- og ungdomsarbeidar, eller har anna relevant erfaring/utdanning
• er utadvendt og trygg på deg sjølv
• beherskar det norske talemålet og skrivemålet godt
• er glad i å vere ute i all slags vêr, året rundt
• har gode samarbeidsevner
• er fleksibel og løysingsorientert

Personlege eigenskapar blir vektlagde.
Kommunen nyttar nynorsk som målform.

Me tilbyr:

• ein barnehage med eit godt og utviklande fagmiljø og arbeidsmiljø
• engasjerte tilsette
• stabil personalgruppe
• pensjonsordning KLP
• hjelp til å finne bustad
• lønn etter gjeldande tariffavtale
• arbeidsforholdet er regulert av Hovudtariffavtala

Politiattest og søknad:

• vitnemål og attestar legg du inn saman med søknaden
• den som vert tilsett må legge fram politiattest ikkje eldre enn tre månader
• intervju og tilsetting kan skje fortløpande i søknadsperioden
• kommunen følgjer offentleglova § 25 ved eventuell offentleggjering av søkjarlista

Ta kontakt om du har spørsmål knytt til stillinga. Me ser fram til å motta søknaden din!