Sunnfjord kommune har samla sakshandsaming innan helse og omsorg i eit miljø – tildelingseininga for helse- og omsorgstenester. Tildelingseininga er organisert under kommunalsjef for omsorg, og er tverrfagleg samansett av sjukepleiar, barnevernspedagog, sosionom og vernepleiar. Eininga er for tida lokalisert på Rådhuset i Førde, og har ei sentral rolle i Sunnfjord kommunen si tenesteyting. Eininga har 9 årsverk.

Vi har følgande stilling ledig:

• 50 % fast stilling som ergoterapeut

Stillinga vil i stor grad være knytt til sakshandsaming av søknader om helse- og omsorgsteneser, ADL kartlegging og tilpassing av velferdsteknologi. I stillinga vil ein ha ansvar for innhenting av informasjon frå brukar og samarbeispartar. Ein har direkte brukarkontakt i møter og ved heimebesøk. Ergoterapeuten vil ha ei sentral rolle knytt til overføringar mellom kommunal rehabiliteringseining og heim.

Krav til søkar:

• autorisasjon som ergoterapeut
• gode norsk kunnskapar både skrifteleg og munnleg
• interesse og kunnskap om velferdsteknologi

Vi søker deg som:   

• har god arbeidskapasitet, og evne til å handtere ein hektisk kvardag med mange arbeidsoppgåver
• er strukturert, og kan planlegge eigen arbeidskvardag
• har god kjennskap til bruk av IT-verktøy. I Sunnfjord kommune nyttar vi journalprogrammet CosDoc
• er fagleg trygg, og er flink både til å samarbeide med andre og til å arbeide sjølvstendig
• har kjennskap til sakshandsaming
• har erfaring frå kommunehelsetenesta er ein fordel

Vi kan tilby:

• utfordrande, varierte og meiningsfylte arbeidsoppgåver
• samarbeid med mange engasjerte menneske i og utanfor kommunen

Stillinga kan gjerne kombinerast med ein av dei følgande andre stillingar som er utlyste i Sunnfjord kommune:

• 50 % vikariat som ergoterapeut ved Fysio- og ergoterapieininga, avdeling Skei.
• 50 % vikariat dagtilbod eldre og personar med demenssjukdom på Skei, tilhøyrande Aktivitetseininga.

Dersom du søker på ein av desse andre stillingane, er det viktig at du opplyser om det i søknadsteksten din.

 

Du må søke elektronisk.

 

Velkommen som søkar!

  

 

·