HAFS oppvekstregion (Hyllestad, Askvoll, Fjaler, Solund, Gulen og Høyanger) har ledig fast 100 % stilling som utviklingsrettleiar frå tidlegast 01.10.2021, då vår noverande utviklingsrettleiar skal over i leiarjobb i barnehage og skule.

I oppvekstregionen samarbeider vi tett om nasjonale og regionale utviklingsprosjekt. I dette arbeidet vil du, som vår nye utviklingsrettleiar, ha ei sentral rolle.

Arbeidsgjevar for stillinga er Fjaler kommune, men annan kontorstad kan avtalast. Den som vert tilsett kan gjerne starte i ein deltidstilling for så å gå opp til 100% i løpet av 2022, dersom det er mest praktisk for den rette søkjar.

Arbeidet er retta mot heile oppvekstsektoren i kommunane som er ein del av oppvekstregionen. Ta gjerne kontakt med oss dersom du vil vite meir om stillinga.

Arbeidsoppgåver

• Koordinere regionarbeidet med utvikling og kvalitet i HAFS oppvekst
• Rolle som ekstern vurderar og aktiv deltaking i alle vurderingsprosessar i barnehage og skule
• Planlegging og oppfølging av utviklingsprosjekt, fagleg og økonomisk
• Ressursperson inn mot skular og/eller barnehagar i utviklingsprosjekt
• Innhenting og rapportering på utviklingsmidlar
• Deltaking i regionale og nasjonale møtefora på oppvekstområdet
• Sekretærfunksjon for regionmøta, herunder oppfølging av saker og økonomirapportering
• Koordineringsrolle inn mot UH-sektoren
  

Kvalifikasjonar

• Pedagogisk utdanning, gjerne med tilleggsutdanning i prosjektleiing
• Minimum 3 års erfaring som pedagog i barnehage eller skule
• Erfaring med å drive/leie utviklingsarbeid
• Gjerne erfaring med budsjett- og rekneskapsarbeid.
  

Personlege eigenskapar

• Fleksibel
• Sjølvstendig
• Initiativrik
• Samarbeids- og løysingsorientert
• Ha eit overordna blikk over oppvekstområdet
  

Vi tilbyr

• Introduksjonsprogram for nytilsette
• Løn etter utdanning og erfaring
• Gode pensjons- og forsikringsordningar
  

Vi gjer merksam på at søkjarliste med namn, kjønn, alder og noverande stilling i utgangspunktet er offentleg informasjon. Dersom det ikkje er særlege grunnar for å unnta offentleggjering vil søkjaren verte kontakta og få høve til å trekke søknaden sin før søkjarliste vert gjort offentleg.