Vi har ledig 100% vikariat, som barne- og ungdomsarbeidar / helsefagarbeidar ved Basen på Valderøy barneskule for skuleåret 2026/2027. Søkjarar med teiknspråk-kompetanse vil bli prioritert. Vi ønskjer tiltreding i stillinga så fort som mogleg.

Valderøy barneskule er ein skule med om lag 460 elevar der 11 av borna går i Basen. Basen er ei avdeling for born med ulike former for psykisk utviklingshemming, alle med stort behov for støtte og tilrettelegging i kvardagen. Saman jobbar pedagogane og fagarbeidarane for at borna skal ha gode dagar og størst mogleg utvikling innanfor sine rammer.

Satsingsområdet for oppvekst i Giske kommune er inkluderande praksis som handlar om å til passe læringsmiljøet til mangfaldet av barn. Vi ønskjer å gi alle ei reel moglegheit til deltaking i det faglege og sosiale fellesskapet.

I tillegg til formell kompetanse blir personlege eigenskapar og at ein er skikka for stillinga vektlagt.

Det er krav om politiattest av ny dato. Dokumentasjon på utdanning og praksis skal sendast i lag med søknaden.

Kvalifikasjoner:

• Vi ønskjer helst søkjarar med fagbrev som barne- og ungdomsarbeidar eller helsefagarbeidarar, men anna relevant utdanning og erfaring kan og vere aktuell. Søkjarar med teiknspråkkompetanse vil bli prioritert.
• Kunne bygge gode, trygge relasjonar og stå i utfordringar.
• Kunne kommunisere klart og tydeleg på ein måte som etablerer god dialog.
  
• Gode norskkunnskapar både munnleg og skriftleg.
• Gjerne erfaring med ASK for non-verbale born.
• God digital kompetanse. 
  

Personlige egenskaper:

• Evne til å skape gode relasjonar til barn, føresette og medarbeidarar.
• Tydeleg og omsorgsfull vaksen.
• Evne og vilje til å møte barnet der det er og ha barnet sitt beste i fokus.
• Initiativrik, løysingsorientert, fleksibel og ansvarsbevisst.
• Gode samarbeidsevne med barn og vaksne. 
  

Vi tilbyr:

• Løn og tilsetjing på vanlege kommunale vilkår.
• Eit godt arbeidsmiljø med gode og støttande kollegaer.