Har du lyst på jobb som badevakt? Gol kommune søkjer badevakt til Gol symjehall frå september 2026 i ein 12% stilling. 

Gol symjehall er ein viktig møteplass for innbyggjarar og tilreisande frå heile Hallingdal. Kvart år har vi om lag 3 500 besøkande, mellom anna familiar, mosjonistar og andre badegjester. Anlegget har eit 25 x 12,5 meter stort basseng med fem banar, stupeanlegg og badstover. Det er alltid to tilsette på jobb når symjehallen er open.

Arbeidsoppgåver

• Sal av billettar og kundeservice
• Badevakt og tilsyn i symjehallen
• Tilsyn med garderobar, dusjar og badstover
• Bidra til eit trygt og triveleg miljø for alle besøkande

Kvalifikasjonar
Vi søkjer deg som:

• er ein trygg og dyktig symjar
• er fylt 17 år
• kan kommunisere godt på norsk
• er ansvarsfull og serviceinnstilt

Opplæring i livberging vil bli gitt. Det er krav om at du består livbergingsprøva.

Arbeidstid
Arbeidstida er:

• tysdagar og torsdagar kl. 17.00-21.00
• i perioden oktober til april kjem det i tillegg laurdagsvakter kl. 11.00-15.00

Vi tilbyr

• eit triveleg arbeidsmiljø
• meiningsfulle arbeidsoppgåver med ansvar for tryggleik og service
• opplæring og oppfølging i rolla som badevakt

Har du interesse for symjing og ønskjer ein variert deltidsjobb? Då vil vi gjerne høyre frå deg!