Vi er interessert i å gje gode tenester til dei som treng det mest. Deler du denne interessa og vil bli ein del av vårt team? Våre tenester vert no tilpassa ny organisering for å møte framtidas behov, og vi har spanande oppgåver til både nyutdanna og dei med lang erfaring. 

No søkjer vi etter ein tilsett i 100% fast stilling som trivast med miljøarbeid, og som kan sjå fysisk aktivitet og trening i eit livsløpsperspektiv for brukarane våre.

Den vi søkjer etter må kunne vere ein pådrivar for fysiske aktivitetstiltak innad i tenesta, og sjå dette i samanheng med ernæring for våre brukarar. Ordinære oppgåver i miljøtenesta vil vere ein del av stillinga, og som tilsett hos oss vil du ta del i 2-delt turnus med arbeid kvar 3. helg.

Noko for deg? Ta gjerne kontakt for meir informasjon om stillinga og arbeidsplassen vår.

Arbeidsoppgåver

• Bistå helsefremjande, rehabiliterande, førebyggande og miljøterapeutisk for personar med utviklingshemming
• Utarbeide tiltak i samsvar med enkeltvedtak og jobbe målretta med desse
• Tilrettelegge individuell bistand i daglege gjeremål med fokus på sjølvstende
• Delta i det daglege arbeidet slik at tenestene sine arbeidsoppgåver vert utført på ein smidig og god måte
• Medverke aktivt til eit godt arbeidsmiljø i eiga avdeling og til eit godt samarbeid med dei andre einingane
• Vere ein ressurs i høve kartlegge funksjonsfall og kunne bistå med å ta i bruk rette hjelpemidlar
• Kartlegge og tilby alders- og funksjonstilpassa aktivitetar for alle aldersgrupper
• Tverrfagleg samarbeid

Kvalifikasjonar

• Høgskuleutdanning innan helse- og sosialfag eller pedagogiske utdanningsretningar. 
• Førarkort klasse B
• Den som vert tilsett må legge fram politiattest og godkjent MRSA- og tuberkulinattest før tiltreding

Personlege eigenskapar

• Løysingsorientert
• Sjølvstendig, ansvarsbevisst, engasjert
• God på kommunikasjon
• Evne til å arbeide løysingsorientert i eit travelt miljø
• Engasjement for eldreomsorg
• Gode samarbeidsevner
• Godt humør
• Fleksibel

Vi tilbyr

• Introduksjonsprogram for nytilsette
• Fadderordning
• Løn etter utdanning og erfaring
• Gode pensjons- og forsikringsordningar
• Godt arbeidsmiljø med trivelege kollegaer

Vi gjer merksam på at søkjarliste med namn, kjønn, alder og noverande stilling i utgangspunktet er offentleg. Dersom det ikkje er særlege grunnar for å unnta offentleggjering, vil søkjaren verte kontakta og få høve til å trekke søknaden sin før søkjarliste vert gjort offentleg.