Vert du motivert av å jobbe med menneske? Ynskjer du å bidra til at fleire kan få moglegheit til å lukkast med arbeid eller utdanning? NAV Sogndal søker deg som vil jobbe med inkludering av ungdom i arbeidslivet. Vi ser etter deg med talent for å bygge og vedlikehalde relasjonar og som blir motivert av å skape moglegheiter i arbeidsmarknaden.

NAV Sogndal har ledig 100% fast kommunal stilling som rådgjevar i regionalt ungdomsteam i Sogn. Stillinga er ledig frå 01.04.25 eller etter nærare avtale.

Vi har kontorplass på Leikanger i gode og moderne lokale.

Som rådgjevar vil du:

• Oppsøke utdanningsinstitusjonar og bedrifter, skape dialog og bygge nettverk
• Rettleie og følgje opp ungdom om utdanning og/eller jobb, kompetanse, kvalifikasjonar eller eigenskapar  med mål om å finne gode løysingar i ordinært arbeidsliv
• Saman med ungdomen lage ein plan for studiar eller jobb etter ungdomen sine ynskjer og mål
• Engasjere og motivere både ungdom og samarbeidspartar og andre personar i nettverket rundt ungdomen og bidra til at dei kjem i arbeidsretta aktivitet

 

Andre oppgåver knytt til kontoret må påreknast, og det kan bli endringar i arbeidsoppgåver.

Kvalifikasjonar:

Du må ha:

• fullført minimum 3 årig utdanning frå høgskule eller universitet
• god digital kompetanse
• gode samarbeidsevner
• førarkort klasse B

Det er ynskjeleg at du har:

• erfaring frå oppfølgingsarbeid, gjerne frå NAV
• god kartleggings- og rettleiingskompetanse
• kjennskap til NAV sine verkemidlar
• erfaring frå oppfølging med ungdom

 

 

Personlege eigenskapar

• er ansvarsbevisst, fleksibel og engasjert
• har evne til å jobba sjølvstendig, strukturert og målretta
• er ein lagspelar som deler erfaringar og kompetanse med dine kollegaer

• har gode samarbeidsevner og kan motivere ungdommar
• er positiv og nysgjerrig
• kan skape gode relasjonar og tillit i møte med folk
• prioriterer, har god oversikt over oppgåver og evne til å handtere raske endringar

Erfaring frå oppfølging av ungdom og samarbeidsevne vil bli særleg vektlagt. 

 

Vi tilbyr:

• Ein spennande jobb i eit godt arbeidsmiljø, prega av høg kompetanse og engasjerte medarbeidarar
• Tilsetting i tråd med  kommunalt regulativ i Sogndal kommune
• Løn etter kommunalt lønsregulativ, eller etter nærare avtale
• Fleksibel arbeidstid