IKT Hallingdal er regionen sitt største IKT-fagmiljø. Vi leverer tenester og digitale løysingar til 6 000 tilsette og elevar i kommunane og tilknytte verksemder i Hallingdal. Gol kommune er arbeidsgivar for IKT Hallingdal. Servicesenteret leverer framifrå kundestøtte og søkjer etter ny fast medarbeider! Har du hjarte og hovud for å skape gode kundeopplevingar, lose kundane gjennom «den digitale jungelen», er uredd, sjølvstendig lagspelar og har stå‑på‑vilje, er det deg vi ser etter! Om du i tillegg vil bidra aktivt i utviklinga av morgondagens Hallingdal med tanke på digitalisering og utnytting av ny teknologi, er det endå betre. Er det deg vi skildrar? Då må du søkje!

Aktuelle arbeidsoppgåver og ansvarsområde:
• Levere framifrå IT-kundestøtte til kundane.
• Handtere innkommande saker via telefon, skjerm/fjernstyring og fysisk oppmøte.
• Bistå med bruk av PC, møteromsløysingar, nettverk og fagsystem.
• Bidra til å gjere rutinar og brukardokumentasjon enkle og gode.
• Samarbeide med andre einingar i IKT Hallingdal.

Kvalifikasjonar:
• Relevant IT-utdanning, til dømes fagbrev eller høgskule.
• God og relevant IT-erfaring kan erstatte formell kompetanse.
• Evne til å rettleie kundar, finne gode løysingar og formidle kunnskap.
• God skriftleg og munnleg framstillingsevne på norsk eller skandinavisk språk (minst nivå B1/B2).
• Førarkort klasse B.

Det blir lagt vekt på personleg eignaheit, og at du har hjarte og hovud for å skape gode kundeopplevingar.

Dette kjenner du deg att i:
• Du er over gjennomsnittet serviceinnstilt. Kanskje har du erfaring frå kundeservice?
• Du er god på kommunikasjon og ser verdien av å byggje relasjonar med kundane dine.
• Du har pågangsmot og stå‑på‑vilje, og kan stå i krevjande prosessar over tid.
• Du tek initiativ, er ansvarsmedviten og har sterk gjennomføringsevne.
• Du er glad i teknologi og forstår rolla teknologien vil ha i samfunnet framover.

Sjølv om di tidlegare erfaring er viktig, er det personlegdomen din og kven du er no som tel mest. Ikkje ver redd for å søkje, sjølv om du ikkje oppfyller alle krava – det gjer ikkje alltid vi heller.

Kvifor velje oss?
• Varierte og utfordrande arbeidsoppgåver med kollegaer som støttar kvarandre og er opptekne av å løyse utfordringar og skape gode kundeopplevingar.
• Moglegheiter for utvikling i eit uformelt og triveleg arbeidsmiljø.
• Fagleg rettleiing og moglegheit til vidareutdanning.
• God ordning med uføre- og alderspensjon i KLP, der arbeidsgivar sparer for deg, samt gode forsikringsordningar.
• Gunstig treningsavtale.

For stillinga gjeld:
• Lønn og tilsetjing i samsvar med arbeidsmiljølova, KS Hovudavtale og KS Hovudtariffavtale.
• Ved tilsetjing blir det lagt vekt på personlege eigenskapar og erfaring.
• Stillinga er fast 100 %.

Søknad
Vi ber om at elektronisk søknadsskjema blir nytta.
Trykk på den grøne knappen øvst til høgre: Send søknad, godta personvernvilkåra og trykk Neste (du treng ikkje opprette brukar på førehand).
Godkjende kopiar av vitnemål og attestar skal takast med dersom du blir kalla inn til intervju. Ansiennitet blir berekna på grunnlag av desse.
Alle søkjarar vil få kvittering på at søknaden er motteken, føresett at rett e-postadresse er oppgitt i søknaden.

Søknadsfrist: 27.05.2026

Kontaktperson:
Erling Torkelsgard, dagleg leiar (tlf. 32078605