Om stillinga: 

Vedtakskontoret tek i mot, kartlegg og vurderer søknadar om helse- og omsorgstenester. Vedtakskontoret samhandlar med kommunale tenesteytarar, helseføretak, spesialisthelsetenesta, tenestemottakarar og pårørande og fattar vedtak i tråd med kartlagt tenestebehov og vilkår i gjeldande regelverk. Kontoret skal også kunne rettleie og gje informasjon knytt til utfylling av søknad og eventuell klagesakshandsaming. Kontoret består per i dag av 9 tilsette fordelt på 6,9 årsverk. Vedtakskontoret er for tida plassert på kommunehuset i Sogndal.

Vedtakskontoret har ledig 100 % fast stilling som sakshandsamar.

Arbeidsoppgåver:

• Registrere og sakshandsame søknader om helse- og omsorgstenester primært for menneskjer med nedsett funksjonsevne. Rus og psykisk helse. Revurdering av vedtak
• Samhandling med tenestemottakar, pårørande, utøvande tenester og spesialisthelsetenesta
• Rettleie ved spørsmål om helse- og omsorgstenester
• Handsaming av klager

Sentrale ansvarsområde:

• Helse og omsorgstenester innanfor området som omhandlar nedsett funksjonsevne (medfødt eller erverva), rus og psykisk helse

Kvalifikasjonar:

• Autorisert vernepleier. Annan 3-årig helse- og sosialfagleg utdanning kan verte vurdert ved særskilt relevant arbeidserfaring innanfor sakshandsaming
• Relevant erfaring innanfor arbeid med menneskjer med nedsett funksjonsevne
• Norsk kunnskapar. God munnleg og skriftleg framstillingsevne
• Gode IT-ferdigheiter

Ønskelege kvalifikasjonar:

• Erfaring med kommunal forvaltning og sakshandsaming
• Erfaring frå målretta miljøbehandling
• Relevant vidareutdanning innan psykisk helse og rus /psykisk helsearbeid
• Erfaring og kjennskap til fagsystemet Gerica

Personlege eigenskapar:

• Er fagleg trygg og syner god kvalitet i arbeidet du gjer
• Er nøyaktig og strukturert, med vekt på orden og system
• Likar rutinearbeid og er effektiv og påliteleg
• Gode samarbeidsevner og kommunikasjonsferdigheiter
• Engasjement for oppgåvene og kan vise fleksibilitet
• Kan jobbe sjølvstendig og setter deg raskt inn i nye system og rutinar
• Godt humør og bidrar til eit godt arbeidsmiljø

Du må arbeide for å fremme hensiktsmessig kommunikasjon og gode relasjonar med alle aktuelle samarbeidspartnarar, i og utanfor eigen avdeling. Sogndal kommune sine verdiar er samskapande, open, god og nysgjerrig. Ein må være førebudd på endring av arbeidsoppgåver i høve drift av kontoret.

Det vil bli lagt vekt på personlege eigenskapar.

Me tilbyr:

• Ein variert kvardag med spennande oppgåver
• Eit godt arbeidsmiljø med godt samhald
• Gode pensjons- og forsikringsordningar
• Gode velferdsordningar
• Løn etter avtale

Det må påreknast noko reiseaktivitet i jobben, og det er derfor krav om førarkort klasse B.

Me ønskjer eit arbeidsmiljø prega av mangfald, og at våre tilsette skal spegla folkesetnaden elles. Me oppfordrar alle som er kvalifisert til å søkja jobb hos oss uansett alder, funksjonsevne, kjønn eller minoritetsbakgrunn. Me legg vekt på å leggje til rette arbeidsforholda dersom du har behov for det.

Administrasjonsmålet i kommunen er nynorsk. Alle nytilsetjingar vert gjort med ei prøvetid på 6 månader. Me gjer merksam på at i følgje offentleglova § 25, 2. ledd kan opplysningar om søkjaren bli offentleggjort, sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort.

Søknadar må leverast innan fristen og må sendast inn via rekrutteringssystemet vårt EasyCruit.