Brenn du for dans og for ungdom? Då er dette draumestillinga for deg. Sogndal kommune har eit dansetilbod for barn og ungdom: Dans uten grenser. 

Dans utan grenser er organisert i form av danseverkstadar i Sogndal, Leikanger og Balestrand. Danseverkstadane er styrt etter prinsippet om ung-til-ung formidling. Dei eldste og mest erfarne av dansarane – ungdomsleiarane – lærer opp dei yngre dansarane. 

Danseverkstadane i Sogndal søker no ein ny vaksenleiar som kan vere med og støtta ungdomsleiarane og aktiviteten i danseverkstadane.

Arbeidsoppgåver som ligg til vaksenleiarane er mellom anna:  

• Følgje opp ungdomsleiarane og aktiviteten i danseverkstadane 

• Bistå ungdommane med praktiske ting knytt til danseverkstadane sin aktivitet 

• Bidra til at danseverkstadane får ei god utvikling 

• Vere kommunen sin kontaktperson inn til danseverkstadane 

• Relasjonsarbeid i lag med ungdommane 

• Organisere samarbeid med Dans Utan Grenser AS 

• Handtere innbetaling av brukarbetaling for danseverkstadane 

Stillinga er ein del av ungdomsavdelinga i Sogndal kommune. 

Som tilsett i ungdomsavdelinga blir du ein del av eit fagleg fellesskap der vi jobba for å skape trygge og inkluderande møteplassar der ungdom kan utfalde seg, utvikle seg, og bygge relasjonar med andre. 

I ungdomsavdelinga vil du få arbeide i lag med mellom anna ungdomsarbeidarar, utekontakt, ungdomslos, fritidskoordinator, ungdomskoordinator om å legge til rette for gode, trygge og inkluderande oppvekstvilkår for ungdom i kommunen vår. 

Kvalifikasjonar  

• Er interessert i og har erfaring med kunst, kultur og kreativitet, spesielt dans 

• Erfaring med ungdomsarbeid/miljøarbeid er ein fordel 

• Utdanning innan t.d. sosialt arbeid, lærar/oppvekstfag eller barnevern er ein fordel, men ikkje eit krav 

• Gode kommunikasjonsevner, og evne til å bygge gode relasjonar med ungdommar 

• Fleksibel og kan tilpasse seg ulike situasjonar og behov 

• Gode norskkunnskapar, både skriftleg og munnleg 

Personlege eigenskapar    

• Kreativ 

• Sjølvstendig og initiativrik 

• Fleksibel og løysingsorientert  

• Evner å planleggje og styre din eigen arbeidsdag på ein produktiv måte 

Personleg eignaheit vil bli vektlagt  

Me tilbyr  

• Ein spennande og meiningsfull jobb med ungdommar 

• Moglegheit til å vere med å forme ungdomsarbeidet i Sogndal kommune 

• Ein triveleg arbeidsplass i kreative omgjevnader der du får vere med på å utvikle eit viktig tilbod for ungdom i Sogndal 

• Løn etter avtale