Spennande moglegheit for VA-ingeniørar! 

Sogndal kommune søkjer etter ein ny VA-ingeniør. 
Enten du er nyutdanna eller har litt erfaring, er du hjarteleg velkomen til å bli med og utvikle framtidas vatn- og avløpsløysingar her hjå oss. 

Kva går jobben ut på? 

Som VA-ingeniør hos oss får du vere med på å: 

• Planleggje og prosjektere nye vass- og avløpsanlegg 

• Følgje opp tiltak i felt – alt frå kartlegging og måling til tilsyn 

• Bidra i tverrfagleg samarbeid med andre kommunale einingar og eksterne aktørar 

• Jobbe med utvikling og vedlikehald av kommunens VA-system 

Vi har varierte prosjekt både i tettstadene og i spreidd busetnad – så du får sett mykje, lært mykje og blitt godt kjent med både kommunen og med folka. 

Kvifor søke hjå oss? 

• God opplæring og fagleg støtte: Du får støtte og hjelp frå gode kollegaer heilt frå starten av.  

• Variert kvardag: Du vekslar mellom kontor, møter og arbeid ute i felt. 

• Utviklingsmoglegheiter: Vi støttar kurs, etter- og vidareutdanning, og gir deg rom for å utvikle deg i retningane du brenn for – om det er prosjektleiing, teknologi eller samfunnsplanlegging. På sikt er det og moglegheiter for å gå inn i leiarstilling. 

• Arbeidsglede: Vi har eit uhøgtideleg og inkluderande arbeidsmiljø, med plass til både triveleg prat ved kaffimaskina og solide fagdiskusjonar. 

Kven er du? 

• Du har utdanning som ingeniør innan VA, bygg, miljø eller tilsvarande (vi vurderer også søkjarar som er i sluttfasen av utdanninga) 

• Du er nysgjerrig, lærevillig og likar å jobbe både sjølvstendig og i lag med andre 

• Har du erfaring frå VA-feltet – enten frå praksis, bacheloroppgåve eller jobb – er det flott, men ikkje eit krav 

Søk då vel! 

Dette er ei god moglegheit for deg som vil vere med å sikre ei berekraftig framtid med trygt drikkevatn, gode avløpsløysingar og ein kommune i stadig utvikling.