Vi har ledig ei 100 % fast stilling som teamleiar i BPA og delteneste i miljøtenesta. Teamleiar jobbar 40 % med administrative oppgåver og 60 % i turnus med langvakter og medlevarvakter.

Vi søkjer etter ein teamleiar til å ha ansvaret for den daglege drifta i eit BPA og ei delteneste i miljøtenesta. Vi ser etter ein person med kompetanse og erfaring innan leiing og som har kunnskap og kompetanse på miljøterapeutisk arbeid. Arbeidsoppgåver til stillinga vil og vere å følgje opp dei tilsette med opplæring, fagleg støtte og rettleiing for å sikre god og lik praksis i dei brukarretta oppgåvene.

Kan dette vere noko for deg? Då håper vi du tek kontakt med oss for meir informasjon om stillinga.

Arbeidsoppgåver:

• fagleg ansvar med oppfølging, tilrettelegging og utvikling av tenester i samsvar med vedtak, retningsliner og lovverk
• personalansvar
• ansvar for utarbeiding av turnus
• fokus på tverrfagleg samarbeid
• legge til rette og fylgje opp fritidsaktivitetar
• bidra til å skape gode kvardagar og yte bistand i daglege gjeremål for brukar

 

Kvalifikasjonar:

• 3-årig helse, sosial eller pedagogisk høgskuleutdanning 
• leiarerfaring
• kompetanse og erfaring knytt til gjeldande lovverk innan helse og omsorg med særskilt vekt på helse- og omsorgstenestelova kap. 9
• Ynskjeleg med kompetanse innan utarbeiding av turnus
• kommuniserer godt både skriftleg og munnleg
• førarkort klasse B
• den som vert tilsett må legge fram politiattest og godkjent MRSA- og tuberkulinattest før tiltreding

 

Personlege eigenskapar:

• tydeleg, med gode kommunikasjons- og samarbeidsevner
• gode evner til relasjonsbygging er viktig for denne stillinga
• løysingsorientert
• strukturert og fagleg engasjert
• liker fysisk aktivitet og friluftsliv

Personlege eigenskapar vert vektlagt

 

Vi tilbyr:

• løn etter utdanning og erfaring
• gode pensjonsordningar og rabatterte forsikringar i KLP
  
  

Vi gjer merksam på at søkjarliste med namn, kjønn, alder og noverande stilling i utgangspunktet er offentleg. Dersom det ikkje er særlege grunnar for å unnta offentleggjering, vil søkjaren verte kontakta og få høve til å trekke søknaden sin før søkjarliste vert gjort offentleg.