Giske kommune har ledig fast 100 % stilling som spesialpedagog med oppstart snarast. Vi søkjer etter engasjerte og fagleg sterke kandidatar som ønskjer å bidra til eit inkluderande og utviklande læringsmiljø for barn og unge - både med og utan særskilde behov.

Stillinga inneber arbeid som spesialpedagog i barnehagar, både for barn med vedtak og barn utan vedtak. Du vil få ei sentral rolle i å støtte barnehagane i arbeidet med tidleg innsats, tilpassa opplæring og inkluderande praksis. Vi ser etter deg som brenn for å skape eit barnehagetilbod der alle barn får utvikle seg i eit trygt og stimulerande miljø, og som ser verdien av samanhengen mellom allmennpedagogikk og spesialpedagogikk.

I tillegg til formell kompetanse blir det lagt vekt på personlege eigenskapar og at ein er skikka for stillinga.

Det er krav om gyldig politiattest.

Den som blir tilsett må kunne disponere eigen bil.

Dokumentasjon på utdanning skal sendast i lag med søknaden.

Kvalifikasjoner:

Må-krav:

• Barnehagelærar med spesialpedagogisk kompetanse 
• Erfaring frå arbeid i barnehage
• Erfaring med rettleiing av tilsette og samarbeidspartnarar
  
• God munnleg og skriftleg framstillingsevne på norsk
• God digital kompetanse
• Førarkort klasse B

Ønskjelege tilleggskvalifikasjonar:

• Erfaring med arbeid med barn innan autismespekteret 
• Kompetanse i observasjon og kartlegging,
• Kjennskap til og erfaring med bruk av alternativ og supplerande kommunikasjon (ASK)

Personlige egenskaper:

Vi ser etter ein spesialpedagog som:

• Er tydeleg og trygg i rolla som fagperson
• Bygg gode og tillitsfulle relasjonar med både barn og vaksne
• Samarbeider godt og bidreg aktivt i teamarbeid
• Arbeider sjølvstendig og strukturert
• Er fleksibel, løysingsorientert og trivst med utfordringar
• Taklar ein hektisk kvardag med mange samtidige oppgåver
• Har forståing for at omstilling, endringar og justeringar er ein kontinuerlig prosess i oppvekstsektoren
• Er ein aktiv bidragsytar i utviklinga av inkluderande praksis, med fokus på førebygging og tidleg innsats
• Er villig til å påta seg oppgåver som ikkje nødvendigvis er spesifisert i stillingsbeskrivinga, men som er nødvendige for å møte barnehagane sine behov

Vi tilbyr:

• Eit positivt, inkluderande og utviklande fagmiljø
• Erfarne, engasjerte og støttande kollegaer
• Tett samarbeid med pedagogisk-psykologisk teneste (PPT), barnehagar og tidvis 1. klasse i skulen
• Løn og tilsetjing etter gjeldande kommunale vilkår