Vi ser etter ein sommarvikar som kan jobbe i perioden 24. juni til 16. august. Det vil vere mogeleg å avvikle ein til to veker ferie i perioden etter nærare avtale. Arbeidstid er måndag til fredag frå 08.00 til 15.00.

Som ferievikar hos oss vil du i hovudsak jobbe med oppgåver knytt til arkiv i avdeling Personal- og organisasjon. Dette er eit viktig arbeid som gir stor verdi for kommunen. I praksis betyr dette å gjere søk i det elektroniske arkivet vårt, få oversikt over kva dokument som ligg på dei enkelte sakene, skrive ut dokument som manglar i den fysiske arkivmappa, sortere og pakke ned dokument i arkivmapper/boksar. Oppgåvene kan til tider være einsforming, men det er lov å ha musikk på øyrene ved utføring av enkelte deler av arbeidet. 

Det er fint om du skriv i søknaden kva periode du kan jobbe hos oss, då vil vi prioritere dei søkjarane som kan jobbe det meste av perioden.  

Har du lyst til å levere gode tenester saman med trivelege kollegaer? Vi ser fram til å lese søknaden din. Ta gjerne kontakt om du har spørsmål til stillinga.

Arbeidsoppgåver

• Arbeid knytt til arkiv (søk, utskrift, sortering, rydding og pakking)
• Betening av sentralbord og publikumsmottak i ein liten del av stilling
• Andre oppgåver ved behov
  
  

Kvalifikasjonar

• Søkjarar må ha fylt 18 år
• Digital kompetanse
• Gode norsk kunnskapar, både skriftleg og munnleg 
• Personlege eigenskapar blir vektlagt
  
  

Om deg

• Du er systematisk, nøyaktig og påliteleg
• Du er tolmodig og trivst med å jobbe med einsformige oppgåver 
• Trivst med å jobbe sjølvstendig
• Du bidrar positivt i eit arbeidsmiljø
  
  

Vi tilbyr

• Opplæring og rettleiing frå fagperson 
• Løn etter utdanning og erfaring
• Ein triveleg arbeidsplass med hyggelege kollegaer
• Ein sommar der du garantert får lære noko nyttig
  
  

Vi gjer merksam på at søkjarliste med namn, kjønn, alder og noverande stilling i utgangspunktet er offentleg. Dersom det ikkje er særlege grunnar for å unnta offentleggjering, vil søkjaren bli kontakta og få høve til å trekke søknaden sin før søkjarliste blir gjort offentleg.