Er du født i 2007, 2008 eller 2009 og ønsker ein sommarjobb? 

Sunnfjord kommune vil hjelpe ungdom med å skaffe seg arbeidserfaring. 

I år kan vi tilby ca. 50 arbeidsplassar fordelt på kommunale arbeidsplassar, og i det private næringslivet. Dette er arbeidsplassar mellom anna på kafe, i butikk, barnehage, bibliotek, praktisk arbeid, og å jobbe med eldre menneske.

Vi søker ungdom som er engasjert og motivert til å ta i eit tak. Du treng ikkje ha arbeidserfaring for å søke på jobb hos oss. Du vil få verdifull erfaring, attest, og lønn etter endt arbeidsperiode. Vi fordelar arbeidsplassar ut i frå alder, interesse og jobbar vi har tilgjengeleg. 

Ved mange søkarar kan ungdom som ikkje har hatt sommarjobb tidlegare gjennom oss bli prioritert. 

Sommarjobben varer i 2 veker og er delt i 2 periodar:

• periode 1: veke 26 og 27
• periode 2: veke 32 og 33

Dei som får sommarjobb får tilbod om å jobbe i ei av periodane.

Aktuelle søkarar blir kalla inn til intervju.

Vi vil ikkje ha jobb til alle søkarar, men vi fordelar stillingane så godt det lar seg gjere.

 

Du må søke elektronisk.

Velkommen som søkar, vi ser fram til å høyre frå deg!

 

Kontaktpersonar:

Lillian Vassbotten, lillian.vassbotten@sunnfjord.kommune.no, tlf 57 61 27 50

Tove Nedrebø, tove.nedrebo@sunnfjord.kommune.no, tlf 41 53 09 13