Alver kommune søkjer guidar til musea Bogatunet og Holmestova/Sjøbua i sommar. Bogatunet ligg på Boga, kring fire kilometer sør for Manger, medan Holmestova og Sjøbua ligg på Holme, kring seks kilometer nordvest for Frekhaug.

Arbeidstida er 11.30-15.30 kvar søndag i veke 25-31. På Holmestova/Sjøbua treng me i tillegg guidar laurdag og søndag i veke 34. Du må kunna jobba minst tre av dei aktuelle helgene for å søkja. Det vil vera to guidar til stades kvar opningsdag. 

Arbeidsoppgåver  

Som guide på Bogatunet og Holmestova/Sjøbua er du vertskap for dei som kjem til tunet. Du skal ta i mot besøkjande og ynskja dei velkomne, visa dei rundt og formidla historie om desse bygga. Det kan verta aktuelt med andre oppgåver som enkel matlaging/-servering og anna førefallande arbeid.  

Kompetanse 

Du må vera interessert i historie, lika å formidla og beherska norsk og engelsk munnleg. Evne til sjølvstendig arbeid og samarbeid, og gode personlege eigenskapar vert tillagt vekt. Opplæring vert gjtt.  Du må vera fødd i 2006 eller tidlegare.   

Me tilbyr  

Løn- og tilsetjingsforhold etter lov- og avtaleverk. 

Slik søkjer du  

Trykk knappen "send søknad", som sender deg vidare i søknadsprosessen. Dersom du har behov for hjelp med registrering av søknad, kontakt innbyggjarservice på 56 37 50 00.