Sogndal helse og omsorgssenter er ein ny og moderne sjukeheim i sentrum av Sogndal. Sjukeheimen har ei langtidsavdeling og ei korttidsavdeling med 2 KAD plassar i avdeling. Sjukeheimen ligg i tilknyting til helsesenteret i Sogndal kor både heimetenesta, dagsenter, omsorgsbustadar, legekontor, fysio-/ergoterapitenesta og helsestasjon er lokalisert. Noko som gir moglegheit for eit tett og nært samarbeid med andre einingar i kommunen.

 

Om stillingane

Sogndal helse og omsorgssenter har ledig følgjande stillingar:

•  3 x 100% vikariat som sjukepleiar
•  2 x 85% vikariat som sjukepleiar

 For stillingane gjeld tredelt turnus med arbeid kvar 3.helg i eit år

 

Arbeidsoppgåver:

•  Ivareta sjukepleiefaglege oppgåver
•  Heilskapleg pleie og omsorg og behandling av bebuarar ved sjukeheim
•  Rettleia for studentar/lærlingar og andre
•  Delta i tverrfagleg samarbeid
•  Oppfølging av dokumentasjon i journalsystemet
•  Medansvarlig for eit godt læringsmiljø
•  Bidra til aktivitet og omsorg som fremmer livskvalitet
•  KAD og labaratoriearbeid

 

Kvalifikasjonar:

• Bachelor i sjukepleie.
• Vernepleiar med norsk autorisasjon vil verte vurderte
• Beherske norsk, skriftleg og munnleg
• Ønskjeleg med relevant vidareutdanning eller erfaring innan akuttsjukepleie, rehabilitering eller demensomsorg 

 

Personlege eigenskapar:

• Løysingsfokusert
• Fagleg engasjert og trygg på eigen kompetanse
• Gode samarbeids- og kommunikasjonsevner
• Fleksibel, ansvarsfull og serviceinnstilt
• Ha evne og interesse for eldreomsorg
• Personlege eigenskapar vil verte vektlagde

 

Me tilbyr:

• Ein spanande jobb i eit godt arbeidsmiljø.
• Gode pensjons- og forsikringsordningar
• Gode velferdsordningar
• Godt fagleg miljø

 

Me ønskjer eit arbeidsmiljø prega av mangfald, og at våre tilsette skal spegla folkesetnaden elles. Me oppfordrar alle som er kvalifisert til å søkja jobb hos oss uansett alder, funksjonsevne, kjønn eller minoritetsbakgrunn. Me legg vekt på å leggje til rette arbeidsforholda dersom du har behov for det.

Administrasjonsmålet i kommunen er nynorsk. Alle nytilsetjingar vert gjort med ei prøvetid på 6 månader. Me gjer merksam på at i følgje offentleglova § 25, 2. ledd kan opplysningar om søkjaren bli offentleggjort, sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort.

 

Søknadar må leverast innan fristen og må sendast inn via rekrutteringssystemet vårt EasyCruit.