Førde heimeteneste eining 1 held til ved Førde omsorgssenter. Vi yt tenester innan heimesjukepleie, heimehjelp, matombringing og velferdsteknologi til bebuarar i 78 omsorgsbustadar knytt til Førde omsorgssenter og området rundt. Eininga har i dag rett i overkant av 39 årsverk. Vi erfarer stor grad av kollegastøtte, der det samla er mykje kompetanse, både gjennom formell vidareutdanning, men også opparbeida gjennom praksis. Vi ønskjer å vere ei levande teneste med framtidsretta fokus der vi saman skal yte gode tenester til innbyggjarane våre!

Vi har ledig:

• 100 % fast stilling som sjukepleiar/vernepleiar

Arbeidsoppgåvene er mellom anna:

• tilrettelegge, utvikle og koordinere sjukepleiefaglege tiltak for brukarane
• primærkontaktarbeid
• utføre praktiske sjukepleiaroppgåver og observere tilstand og behov hos brukar
• samarbeid med brukar, pårørande, fastlegar og spesialisthelsetenesta
• samarbeid med både kommunale og eksterne aktørar innan mellom anna sektorane omsorg, helse- og sosial
• kunnskapsdeling gjennom vegleiig og opplæring av studentar og nytilsette
• ansvar for dokumentasjon i fagprogrammet CosDoc
• delar av arbeidet er også av meir administrativ art, mellom anna behandling av e-meldingar og medikamentoppfølging

Stillingane er i todelt turnus med arbeid kvar 3. helg.

Krav til søkar:

• norsk autorisasjon som sjukepleiar eller vernepleiar, gjerne med relevant vidareutdanning innan geriatri, lindrande bahandling, psykisk helsearbeid og liknande
• beherske godt norsk både munnleg og skriftleg
• grunnleggande datakunnskap, då mobiltelefon og PC er viktig arbeidsvektøy i arbeidskvardagen vår

Vi søker deg som:

• er fleksibel og likar utfordringar
• er sjølvstendig og kan ta eigne vurderingar og avgjersler
• er strukturert, ansvarsbevisst og løysingsorientert
• delar og etterspør aktuell kunnskap
• bidreg til eit positivt og godt arbeidsmiljø
• er positiv, ser moglegheiter, bidreg til utvikling og arbeidar aktivt for å nå dei måla vi set oss
• er ny-tenkande og kreativ

Personlege eigenskapar vert vektlagd.

Vi kan tilby:

• engasjerte kollegaer og leiarar i eit inkluderande miljø
• faglege utfordringar
• moglegheit for fag- og kompetanseutvikling
• ein triveleg arbeidsplass du kan vere stolt av

Du søker elektronisk. Politiattest av nyare dato må leverast før du startar i stillinga.

Velkomen som søkar, vi ser fram til å høyre frå deg!