Vaksdal kommune har ledig 62% fast stilling som sjukepleiar på natt. Moglegheit for auka stillingsstorleik ved å kombinere med sein-/tidlegvakter i turnusen.

Arbeidsstad

Heimesjukepleien i Vaksdal.

Om heimesjukepleien

Heimesjukepleien har base på Dale, og dekkjer heile kommunen. Me skal leggje til rette for at flest mogleg kan bu lengst mogleg heime. Det gjer me gjennom å leggje til rette for eigenmeistring og sjølvstende, ved å byggje på brukaren sine eigne ressursar. Me har brukarar i alle alderstrinn, og arbeidskvardagen vår er allsidig og spanande.

Som nattevakt i heimesjukepleien vert du ein del av eit natt-team. Det er to på vakt i heimesjukepleien, og ein samarbeider også med andre avdelingar i kommunen.
Ein har base på Dale, og køyrer rundt til brukarar på ulike oppdrag i løpet av natta. Ein reiser både sjølvstendig og i team på to, alt etter type oppgåve og tid på vakta.

Arbeidsoppgåver

• Sjukepleiarfagleg oppfølging av pasientane
• Ansvarsvakt, med e-dialog med fastlegar og spesialisthelsetenesta
• Gje støtte og vegleiing til brukar og pårørande
• Kvardagsrehabilitering i heimen
• Omsorg og pleie
• Palliasjon i heimen

Krav til kompetanse

• Autorisasjon som sjukepleiar. Anna relevant treårig høgskuleutdanning kan også bli vurdert.
• Førartkort klasse B 
• Godkjent politiattest må leggjast fram ved tilsetjing

Personlege eigenskapar

• Me ser etter deg som er trygg i sjukepleiarfaget, er god på samarbeid og som bidreg positivt til arbeidsmiljøet
• Likar utfordringar og sjølvstendig arbeid
• Evna til å bidra til eit godt arbeidsmiljø og samarbeidsklima mellom tilsette, pasientane og pårørande
• Du ser løysingar og er positiv, er tolmodig og brenn for god pleie og omsorg
• Evnar å sjå heilskapen mellom dei ulike avdelingane og arbeidet som vert gjort, og vera med å utvikle dei ulike fagmiljøa

Personlege eigenskapar vert vektlagt.       

Vaksdal kommune kan tilby

• Kompetente og engasjerte kollegaer
• Gode pensjons- og forsikringsordningar
• Individuell oppfølging
• Moglegheiter for støtte til etter- og vidareutdanning
• Løn i tråd med tariffavtaleverk
• Vaksdal kommune har skular på Dale, Stanghelle, Stamnes og Eksingedalen, og er i gong med å byggje ny skule på Vaksdal. Det er god dekning i barnehageplass.

Slik søkjer du

Klikk på "send søknad" og følg vidare instruksjonar.
Har du søkt på stilling i Vaksdal via EasyCruit før er brukarnamn ofte e-posten du brukte.
Treng du hjelp, kan du venda deg til HR-rådgjevar: på e-post tiril.h.langhelle@vaksdal.kommune.no eller tlf 95 52 75 04