Vaksdal kommune har ledig fast stilling til sjukepleiar i 2. og 3. etasje på Ressurssenteret for personar med demens.

Stillingsstorleiken er 95%. Tredelt turnus, med hovudvekt på nattevakter. 33,6 timers veke og ekstra fast kompensasjon for nattevaktsstilling. 

Om avdelinga

Ressurssenteret for personar med demens/ Vaksdal sjukeheim består av både somatisk avdleing og tilrettelagt avdeling for personar med demens. Nattevaktene er tilknytt somatisk avdeling, men samarbeidar tett med avdelinga for personar med demens. Dag- og kveldsvakter er knytt til avdeling for personar med demens.  Huset har til saman 32 pasientar fordelt på 2 etg, og 2 fløyer i kvar etg. Sjukeheimen ligg i vakre Vaksdalsbygda, med kort avstand til togstasjon. 

Det skjer mykje spanande utvikling på ressurssenteret, både innan demensfeltet og eldreomsorgen generelt. Du vil få moglegheita til å bli ein del av eit dyktig fagmiljø, med dedikerte og kunnskapsrike tilsette på heile huset. Me har eit godt arbeidsmiljø og høg trivnad på jobb.

Krav til kompetanse

• Autorisasjon som sjukepleiar. Vernepleiarkompetanse kan bli vurdert.
• Godkjend politiattest må leggast fram ved tilsetjing
• Ynskjeleg med erfaring og kompetanse frå demensomsorg

Personlege eigenskapar

• Me ser etter deg som er trygg i sjukepleiarfaget, er god på samarbeid og som bidreg positivt til arbeidsmiljøet
• Du likar å arbeide i team og ha pasientane i fokus
• Du ser løysingar og er positiv, er tolmodig og brenn for god pleie og omsorg
• Du må takle å stå i interessekonfliktar og har høg arbeidskapasitet

Personlege eigenskapar vert vektlagt.

Vaksdal kommune kan tilby

• Faglege og personlege utfordringar i eit godt og inspirerande arbeidsmiljø
• Kompetente og engasjerte kollegaer
• Gode pensjons- og forsikringsordningar
• Individuell oppfølging
• Moglegheiter for støtte til etter- og vidareutdanning
• Me gjev uttelling i lønn for relevant etter- og vidareutdanning
• Løn i tråd med tariffavtaleverk

Slik søkjer du
Klikk på "send søknad" og følg vidare instruksjonar.
Har du søkt på stilling i Vaksdal via EasyCruit før er brukarnamn ofte e-posten du brukte.
Treng du hjelp, kan du venda deg til HR-rådgjevar: på e-post tiril.h.langhelle@vaksdal.kommune.no eller tlf 95 52 75 04