Sjukepleiar fast 50% stilling natt- Heimetenesta sone sør

Øygarden kommune er den nest største kommunen i Vestland fylke med omlag 39 300 innbyggjarar og 2 800 tilsette. Straume er kommunesenter (ca. 15 minutt køyring frå Bergen) med kommunedelsenter på Rong og i Skogsskiftet.

Øygarden kommune har sett seg som mål å vera ein framtidsretta og kunnskapsbasert samfunnsutviklar med fortrinn innanfor energi, teknologi og marine ressursar. Kommunen skal løfta fram viktige verdiar som felles kultur, språk og identitet. Vi har ambisjonar om å vera ein handlekraftig og effektiv organisasjon med god leiing, høg kompetanse og kvalitet.

Vil du bli vår nye kollega?

Ønskjer du deg fast stilling, med gode kollegaer og varierte oppgåver? Vi søkjer etter deg som er engasjert, fleksibel og har fokus på høg kvalitet for brukarane våre.

 

Heimetenesta i Øygarden kommune er under kommunalsjefområde helse og velferd og er inndelt i tre geografiske soner. I heimetenesta vil du møte brukarar i alle aldrar og med stor variasjon i hjelpebehov. Du får høve til å utfordre, utvikle og tileigne deg mykje ny erfaring, i eit miljø som er oppteken av å vere fagleg oppdatert. Vi har fokus på å gje brukaren god livskvalitet, oppretthalde eigne ressursar og gje dei høve til å bu heime så lenge som mogleg gjennom førebyggjande behandling/ tiltak.

  

Det vert no lyst ut etter 50% fast stilling for sjukepleiar i heimetenesta sone sør. Sone sør har sonekontor på Skogsvåg. Sjukepleiar i fast turnus er lønna kr 35 000 per år over tariff. Som sjukepleiar på natt får ein og tillegg på kr 40 000 per år i 100% stilling.

 

Stillinga er ledig frå snarast

 

Viktigaste arbeidsoppgåver:

• Bistå brukare i tråd med vedtak, behov og faglege krav
• Sjukepleiarfaglege oppgåver og omsorgsoppgåver i tenestemottakar sin heim
• Dokumentasjon av helsehjelp
• Fagleg oppdatering – sørge for å innhente opplysningar og kunnskap for å kunne gje forsvarlege tenester
• Tverrfagleg samarbeid

 

Kvalifikasjonar for stillinga:

Må ha:

• Autorisert sjukepleiar
• Søkjar må ha gode norsk kunnskapar munnleg og skriftleg
• Søkjar må ha førarkort for bil
• Krav om framlegg av politiattest
• Det vil bli lagt vekt på personlege eigenskapar

Ønskjeleg med:

• Erfaring frå arbeid i heimeteneste er ein fordel

 

Personlege eigenskapar:

• Kompetent, open, påliteleg og engasjert
• Fleksibel og løysningsorientert
• Gode etiske og faglege haldningar
• Gode samarbeids- og kommunikasjonsevner
• Evne til å arbeide strukturert og sjølvstendig
• Bidrar til å skape eit godt arbeidsmiljø
• Du trivs med å arbeide i ein hektisk arbeidskvardag

 

Vi tilbyr:

• Gode pensjons- og forsikringsordningar
• IA bedrift
• Motiverte og kunnskapsrike kollegaer
• Interessante utfordringar
• Høve til fagleg og personleg utvikling

 

Kontakt:

Einingsleiar Kate S Løland tlf. 950 71 121

 

 

Vi ynskjer eit arbeidsmiljø preget av mangfald, og at våre tilsett skal gjenspegla folkesetnaden forresten. Vi oppfordrar alle som er kvalifisert til å søkja jobb hos oss uansett alder, funksjonsevne, kjønn, eller minoritetsbakgrunn. Vi legg vekt på å tilretteleggja arbeidsforholda dersom du har behov for det.

Etter utløpet til søknadsfristen, vil det setjast opp ei offentleg søkarliste innehaldande namn, alder, stilling eller yrkestittel og bustads- eller arbeidskommune for kvar søkar. Det kan gjerast unntak frå innsyn for opplysningar om ein søkar dersom vedkomande sjølv ber om det. Opplysningar om ein søkjer kan verta offentlege sjølv om søkaren har bede om ikkje å førast opp på søkarlista. Dersom anmodningen ikkje vert teke til følgje vil søkaren varslast om dette.