Totalt 100 % stilling ledig vikariat på Hå helsesenter Nærbø/Hå legevakt ( fre/lør/søn kvar tredje helg ) for sjukepleiar frå 15.12.22 og ut august 2024.
Det er mogleg å søkja deler av stillinga men det er ei føresetnad at heile stillinga blir besatt. Det er lyst ut vikariat ved Hå legevakt som inkluderer helgestilling og det er mogleg å sjå på kombinasjonar.

Sjukepleiarar på legekontoret på Nærbø har ulike oppgåver med mottak av pasienter, sårstell, diverse prosedyrer, laboratoriearbeid, ekspedisjonsarbeid og direkte pasientoppfølging i regi av prosjekt primærhelseteam.
Denne stillinga har i hovudsak arbeidet knytta til ekspedisjonen men me ynskjer at alle tilsette skal kunna ha kunnskap om og delta i alle arbeidsprosessar.

Stillinga på legevakta består i telefontriagering, samarbeid med andre nødetatar og pasientarbeid. 

Attestar og vitnemål
Me ber om at du lastar opp attestar og vitnemål (pdf) digitalt saman med søknaden din.

Politiattest
Politiattest nyare enn tre månadar må leverast før start i stilling.

Tilsetjingsvilkår
Tilsettinga skjer på dei vilkår og med dei pliktar som går fram av utlysinga, og dei til ein kvar tid gjeldande lover, reglement og tariffavtaler. Kommunen har gode pensjons- og forsikringsordningar med ulykkesforsikring i fritida. Kommunen har prøvetid på 6 månadar og reglar for flyttegodtgjersle.