Sjukepleiar i 100 % fast ved Øygarden lokalmedisinske senter – prøveprosjekt

Øygarden kommune er den nest største kommunen i Vestland fylke med omlag 39 300 innbyggjarar og 2 800 tilsette. Straume er kommunesenter (ca. 15 minutt køyring frå Bergen) med kommunedelsenter på Rong og i Skogsskiftet.

Øygarden kommune har sett seg som mål å vera ein framtidsretta og kunnskapsbasert samfunnsutviklar med fortrinn innanfor energi, teknologi og marine ressursar. Kommunen skal løfta fram viktige verdiar som felles kultur, språk og identitet. Vi har ambisjonar om å vera ein handlekraftig og effektiv organisasjon med god leiing, høg kompetanse og kvalitet.

Om avdelinga:

Øygarden lokalmedisinske senter inneheld ulike helsetenester, både kommunale, fylkeskommunale og private, i tillegg til spesialisthelseteneste. Stillinga som her vert lyst er knytt til korttidsavdeling i 3. etg og 2. etg,  med kortidssenger, ØH-senger og palliasjon.

Ved Øygarden Lokalmedisinske senter jobbar flinke sjukepleiarar, helsefagarbeidarar, gode assistentar, ergo-/fysioterapeutar og legar i lag for å gje gode tverrfaglege tenester. Målet er å gje pasientane trygge og profesjonelle tenester, for å skape gode pasientforløp og god overgang til heimen. 

Stillinga blir lagt i årsturnsus med 16 helgar.

Alle sjukepleiarar får eit tillegg på 35 000,-

 

Stillingane som blir lyst:

Øygarden kommune har som mål å skape heiltidskultur og arbeide for stabile gode arbeidsplassar med lågt sjukefråvær. Vi ønskjer å prøve noko nytt og lyser derfor etter to heile årsverk for sjukepleiarar, som skal liggje på toppen av grunnbemanninga og dekke opp ved fråvær. I staden for å leite etter vikar ved sjukdom, håper og trur vi desse to årsverka vil dempe dette behovet.

Målet er at ved å tilsette to ekstra personar, som ligg på toppen av grunnbemanninga, vil det skape meir ro og stabilitet. Dei to stillingane som blir lyst her, får fast tilsettingstilhøve i Øygarden kommune, for tida ved Øygarden Lokalmedisinke senter. Personane som går inn i desse stillingane må likevel vere førebudd på å tre inn der behovet er størst, om det er i 2. etg eller i 3. etg på LMS. Om tilsette på LMS som i dag har mindre stilling enn 100 % vil søke på desse stillingane, vil ledig stilling etter desse bli aktuelle for søkjarar til desse stillingane. Dei som skal tilsettast i desse to stillingane lyt vere førebudd på å tre inn i den avdelinga det er størst behov og vere personleg egna.

  

Arbeidsoppgåver:

• Oppfølging av pleie og behandling av pasientane
• Arbeide for å hjelpe pasienten til å nå sine mål
• Arbeide lojalt og aktivt med Øygarden lokalmedisinske sine kvalitetsrutinar og fagprosedyrar
• Rettleiing, opplæring og utviklingsarbeid
• Tverrfagleg arbeid
• Vere ein god rollemodelle for å skape eit kreativt og utviklande fagmiljø

 

Kvalifikasjonar: 

Må ha:

• Autorisasjon som sjukepleiar

 

Personlege eigenskapar:

• Du er opptatt av pasienten sin rett til medbestemmelse og involverar pårørande
• Du ønskjer å jobbe med korttid- , palliasjon-, og ØH-pasienter
• Du tykkjer det gir meining at dei fleste pasientane har nytte av  opptrening og rehabilitering, og vil jobbe for måla som blir sett for pasienten
• Du viser engasjement i arbeidet ditt
• Du har respekt for andre og deler din kunnskap med dei som treng det
• Du er er open,  nysgjerrig og gir beskjed når det trengs
• Du ønskjer eit spanande fagmiljø med godt kollegafellesskap
• Du har gode IT-kunnskaper

 

Vi tilbyr:

• Gode pensjons- og forsikringsordningar
• IA-bedrift
• Motiverte og kunnskapsrike kollegaer
• Interessante utfordringar
• Høve til fagleg og personleg utvikling

 

Kontakt: 

Tonje Tangen Alvsvåg – Einingsleiar 55097220

Regine Ulveseth – avdelingsleiar 3. etg 55097438

Anita Bildøy Hestad -avdelingsleiar 2. etg 481 77 990

 

 

Øygarden kommune ønskjer eit arbeidsmiljø prega av mangfald, og at våre medarbeidarar i størst mogleg grad skal spegla mangfaldet i befolkninga. Vi oppmodar alle som er kvalifiserte til å søkja jobb hos oss uansett alder, funksjonsevne, kjønn, eller minoritetsbakgrunn. Som IA-verksemd ønskjer kommunen å leggja til rette for arbeidsforholda dersom du har behov for det.

Etter utløpet til søknadsfristen, vert det sett opp ei offentleg søkjarliste med namn, alder, stilling eller yrkestittel og bustads- eller arbeidskommune for kvar søkjar. Det kan gjerast unntak frå innsyn for opplysningar om ein søkjar dersom vedkomande sjølv ber om det. Opplysningar om ein søkjar, kan verta offentlege sjølv om søkjaren har bede om ikkje å vert ført opp på søkjarlista. Dersom oppmodinga ikkje vert teken til følgje, vert søkaren varsla om dette.

Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga.