NAV leverer arbeids- og velferdstenester til Norges befolkning og har 19 000 medarbeidarar fordelt over hele landet. NAV skal gi menneske moglegheiter, og vårt hovudmål er å få fleire i arbeid. Vi ser etter deg med pågangsmot og engasjement som ønsker meiningsfulle og varierte arbeidsoppgåver

Hallingdal er Norges største reiselivsregion. NAV i Hallingdal har i dag ca. 30 tilsette med hovudkontor på Gol. Hallingdal består av de seks kommunane Flå, Gol, Hemsedal, Hol, Nes og Ål. Regionen har ca. 20 500 innbyggarar. NAV Hallingdal møter brukarar og samarbeidspartnarar i alle seks kommunane.

Kontoret er organisert i fire team: Oppfølging av vaksne, service og marknad, sosial med oppfølging og ungdomsteam

Arbeidsoppgåver
• Rettleiing og sakshandsaming innanfor NAV sine tenesteområder
• Motivere og legge til rette for at brukarar skal kome i arbeid og aktivitet
• Yte god service til brukarar, arbeidsgivarar og andre samarbeidspartnarar
• Noko reiseverksemd
NAV Hallingdal er i stadig endring og utvikling. Det kan derfor bli endring av oppgåver.

Kvalifikasjonar
• Minimum 3- årig høgare relevant utdanning frå høgskule/universitet
• Relevant arbeidserfaring kan kompensere for utdanningskravet
• Ønskeleg med marknads- og inkluderingskompetanse
• God munnleg og skriftleg framstillingsevne
• God kompetanse i rettleiing og evne til å bruke samtale som verktøy og skape gode prosesser gjennom samtaler
• Evne til å sette seg inn i nye IKT-verktøy og erfaring frå digitale plattformer

Personlege eigenskapar
• Evne til omstilling og å tileigne seg ny kunnskap
• Har evne til å skape gode relasjonar til brukarar, kollegaer og samarbeidspartnarar
• Har interesse for og kunnskap om arbeidsmarknaden - lokalt og regionalt
• Har forståing for arbeids- og velferdspolitikken i en samfunnsmessig samanheng
• Stor arbeidskapasitet og evne til å handtere ein betydeleg arbeidsmengde

Vi tilbyr
• Utfordrande og meiningsfylte arbeidsoppgåver på eit viktig samfunnsområde
• Fleksibel arbeidstid og triveleg arbeidsmiljø
• Vi har gode ordningar for heimekontorløysingar og arbeider i stor grad med digital oppfølging
• God pensjonsordning gjennom KLP
• Løn etter utdanning og praksis

Anna
• Godkjende kopiar av vitnemål og attestar må takast med ved eventuelt intervju. Ansiennitet blir rekna ut i frå desse.
• I skjemaet er det mogleg å krysse av for at søknaden ikkje skal bli offentleggjort. dersom du ynskjer at søknaden ikkje skal bli offentleggjort må du grunngje dette. Vi gjør oppmerksam på at opplysningar om søkarane likevel kan bli offentleggjorde, jamfør offentleglova § 25. Du vil da bli varsla om dette på førehand slik at du har moglegheit til å trekkje søknaden

Send søknad
• Vi ber om at elektronisk søknadsskjema blir nytta. Trykk på den grøne knappen oppe til høgre: Send søknad, godta personvernvilkåra og trykk Neste (du treng ikkje å opprette brukar først).
• Alle søkjarar vil få kvittering på at søknaden er motteken dersom de har fylt ut rett e-postadresse i søknaden.