Sunnfjord kommune søker ein dyktig og engasjert rekneskapskonsulent. Vi ser etter deg som er interessert i rekneskap og ynskjer å vere ein del av vårt gode arbeidsfellesskap.

Eining for rekneskap og løn har for tida 15 tilsette med kontor på rådhuset i Førde sentrum.

Eininga fører rekneskapen for Sunnfjord kommune og fleire interkommunale selskap. I dette ligg føring av rekneskap, produksjon av løn og fråvære, fakturering og innkrevjing av kommunale varer og tenester. I tillegg produserer eininga løn for to andre kommunar.

Eininga bidreg også i arbeidet med utarbeiding av budsjett og økonomiplan, samt drift av Framsikt som økonomi- og rapporteringsverktøy.

Eininga er organisert i stab hjå kommunedirektøren, og har ein støttefunksjon overfor einingane i kommunen, samt leiargruppa.

 

Vi har ledig:

100% fast stilling som konsulent for snarleg tilsetting

Arbeidsoppgåver:

• ulike oppgåver knytt til dagleg rekneskapsføring
• periode- og årsavslutning med tilhøyrande avstemmingar og dokumentasjon
• rapportering til offentlege instansar
• utvikling av rutinar og utøving av internkontroll
• opplæring og rådgjeving
• problemløysing, avstemming og andre løpande oppgåver innan rekneskapsområdet

Arbeidsoppgåvene vil kunne variere alt etter din kompetanse og eininga sitt behov. 

Vi søker etter deg som har:

• utdanning innan rekneskap/økonomi, eller anna relevant fagområde, fortrinnsvis på bachelor nivå
• relevant arbeidserfaring innan rekneskap eller løn
• gode IT kunnskapar

Personlege eigenskapar:

•  du er strukturert, nøyaktig og engasjert
•  du arbeider sjølvstendig, men trivast og med å arbeide ilag med andre
•  du er lærevillig og opptatt av digitalisering og dei moglegheitene det gir for effektivisering

Vi kan tilby:

• eit spennande og bredt fagmiljø innan områda rekneskap og løn
• gode moglegheiter for personleg og fagleg utvikling via arbeid og vidareutdanning
• tilbod om kurs, slik at du kan vidareutvikle din kompetanse og eventuelt behalde din autorisasjon
• konkurransedyktige vilkår med gode pensjons- og forsikringsordningar
• ein moderne arbeidsplass, for tida på rådhuset i Førde sentrum
• ein god og trygg arbeidsplass 
• fleksibel arbeidstid og sommartid

Hos oss får du eit godt arbeidsmiljø, ansvar og tillit.

Velkomen som søkar, vi ser fram til å høyre frå deg!