Vil du bidra til reine, trygge og trivelege bygg? Reinhaldssentralen søkjer etter to engasjerte og pålitelege reinhaldsoperatørar til faste stillingar med oppstart 2. januar 2027.

Vi har ledig:

• 100 % fast stilling - for tida er arbeidstid måndag–fredag kl. 06.00–13.30. 

• 50 % fast stilling - for tida er arbeidstid frå kl. 06.00 måndag til fredag. Stillinga inneber for tida arbeid fem dagar i veka.

I søknaden ber vi deg opplyse om du søkjer på 100 % stillinga, 50 % stillinga eller begge stillingane.

Arbeidsoppgåver

• Dagleg og periodisk reinhald
• Vedlikehald og behandling av golv
• Hovudreinhald
• Reinhald på ulike lokasjonar i kommunen
• Arbeidet er fysisk og inneber mellom anna å gå ein del i løpet av arbeidsdagen, gå i trapper og handtere og transportere reinhaldsutstyr og varer.
• Andre oppgåver innan reinhaldsfaget

Kvalifikasjonar

• Fagbrev som reinhaldsoperatør. 
• Søkjarar utan fagbrev kan bli vurderte dersom dei har lang erfaring frå reinhaldsarbeid og er villige til å ta fagbrev innan tre år.
• Minimum B1-nivå i norsk, skriftleg og munnleg.
• Søkjarar må ha fylt 18 år.
• Førarkort klasse B og tilgang til bil 

Det er ønskjeleg med

• Erfaring med bruk av ulike reinhaldsmaskiner.
• Erfaring med dagleg og periodisk reinhald.

Dersom det skulle bli aktuelt med arbeid i skule eller barnehage, vil det vere krav om politiattest i samsvar med gjeldande regelverk.

Personlege eigenskapar

Vi ser etter deg som:

• er løysingsorientert og påliteleg
• arbeider nøyaktig og sjølvstendig, og har auge for detaljar
• trivst med varierte og fysisk krevjande arbeidsoppgåver
• er serviceinnstilt og samarbeider godt med andre
• er fleksibel når det gjeld arbeidsoppgåver, arbeidstid og arbeidsstad ut frå behov i tenesta
• bidreg til eit godt arbeidsmiljø og tek initiativ når det trengst

Vi legg vekt på at du er personleg eigna til stilliga.

Vi tilbyr

• Løn etter tariff
• 10 000 kroner i fast tillegg på toppen av grunnløna
• Gode pensjons- og forsikringsordningar
• Godt arbeidsmiljø med trivelege kollegaer
• Moglegheit for tilrettelegging slik at du kan ta fagbrev som reinhaldsoperatør parallelt med arbeidet

 

Vi gjer merksam på at søkjarliste med namn, kjønn, alder og noverande stilling i utgangspunktet er offentleg. Dersom det ikkje er særlege grunnar for å unnta offentleggjering, vil søkjaren verte kontakta og få høve til å trekkje søknaden sin før søkjarliste vert gjort offentleg.