Kva med ein liten kajakktur før jobb? Ein stille time i kystnatur før du tek fatt på dagens reingjeringsøkt? Vi kan legge til rette for ganske fleksibel arbeidstid, slik at du kan få nyte livet her ute! Bygdene har bruk for deg og vi har mange aktivitetar som du kan engasjere deg i. Vi treng dine gode krefter!  Søk på jobb som reinhaldar på Bulandet skule/barnehage! 

 

Bulandet skule er den vestlegaste skulen i Noreg og er samlokalisert med Bulandet barnehage.  Både skulen og barnehagen har gode lokale ferdigstilt i 1990 og 2003.

 

Vi har frå 24. juni 2024 ledig 82% fast stilling som reinhaldar, fordelt på Bulandet skule og barnehage.  

 

Arbeidsoppgåver:

• Ordinært reinhald, utført dagleg på ettermiddag/kveldstid etter moderne reinhaldsmetodar

 

Kvalifikasjonar:

• Ønskjeleg med fagbrev innan reinhald, men praksis frå fagfeltet vert også vurdert
• Må beherske norsk munnleg og skriftleg

 

Personlege eigenskapar:

Vi søkjer oss ein nøyaktig og effektiv person som arbeider sjølvstendig og tek ansvar for at vi har det reint og fint rundt oss.

 

Vi tilbyr løn etter sentralt løns- og stillingsregulativ.  Aktuelle søkjarar vert kalla inn til intervju.  Tilsetjing skjer på dei vilkår og med dei plikter som til ei kvar tid går fram av gjeldande lover, reglar og tariffavtalar.  Pensjonsmedlemsskap i KLP.  Politiattest og tuberkulinattest av ny dato må leggjast fram ved tilsetjng.