På avdeling for areal- og samfunnsplan er det 15 engasjerte tilsette med brei fagleg kompetanse. Avdelinga arbeider med eit stort spenn av planoppgåver, der både detaljreguleringar og overordna planar etter plan- og bygningslova inngår i porteføljen. Spennande utgreiingsoppgåver, medverknad og analysearbeid er derfor viktige arbeidsoppgåver for å styrke kunnskapsgrunnlaget inn mot areal og samfunnsutvikling. Avdelinga har i stor grad ei koordinerande rolle og jobbar tverrfaglege med andre einingar og avdelingar i kommunen. Avdelinga har også eit utstrekt samarbeid med regionale og lokale utviklarar og samarbeidspartar. 

 

Arbeidsoppgåver:

• Oppfølging og sakshandsaming av private reguleringsplanar, samarbeid og dialog med plankonsulentar og utbyggjarar
• Samordning av kommunen sin fagkompetanse i plansaker og planprosessar i tilknyting til arealplanlegging
• Utarbeiding og oppfølging av offentlege arealplanar
• Prosjektleiing og tverrfagleg samarbeid for å utvikle fagmiljøet i kommunen

Kvalifikasjonar:

Må ha:

• Høgare utdanning innan t.d. fysisk planlegging, regional planlegging, landskapsarkitektur, trafikkplanlegging, geografi, arkitekt, ingeniør
• Minimum to års erfaring frå stillingar i offentleg/privat verksemd med tilsvarande oppgåver
• Gode norsk-kunnskapar munnleg og skriftleg

Ønskjeleg med:

• Utdanning innan samferdsle og trafikkplanlegging eller arkitektur, landskapsarkitektur.
• Relevante tilleggsutdanningar, t.d. innan  prosjektleiing og planjuss

Personlege eigenskapar:

• Ha gode samarbeidsevner
• Vera strukturert og sjølvstendig
• Evna til raskt å setja seg inn i nye oppgåver
• Vera serviceorientert og god på samhandlin
• Samfunnsengasjert
• Løysingsorientert

Vi tilbyr:

• Gode pensjons- og forsikringsordningar
• IA verksemd
• Motiverte og kunnskapsrike kollegaer
• Interessante utfordringar
• Høve til fagleg og personleg utvikling

 

Øygarden kommune ønskjer eit arbeidsmiljø prega av mangfald, og at våre medarbeidarar i størst mogleg grad skal spegla mangfaldet i befolkninga. Vi oppmodar alle som er kvalifiserte til å søkja jobb hos oss uansett alder, funksjonsevne, kjønn, eller minoritetsbakgrunn. Som IA-verksemd ønskjer kommunen å leggja til rette for arbeidsforholda dersom du har behov for det.

Etter utløpet til søknadsfristen, vert det sett opp ei offentleg søkjarliste med namn, alder, stilling eller yrkestittel og bustads- eller arbeidskommune for kvar søkjar. Det kan gjerast unntak frå innsyn for opplysningar om ein søkjar dersom vedkomande sjølv ber om det. Opplysningar om ein søkjar, kan verta offentlege sjølv om søkjaren har bedeom ikkje å vert ført opp på søkjarlista. Dersom oppmodinga ikkje vert teken til følgje, vert søkaren varsla om dette.Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga.