Om avdelinga:

Eining for eigedomsutvikling har ei viktig rolle for å sikre at kommunen er ein profesjonell, føreseieleg og utviklingsorientert grunneigar og samarbeidspart. Eigedomsutvikling har som oppgåve å sikre kommunens eigarinteresse i planprosessar, utviklingsarbeid, samt forvaltingsforhold. Eininga har også et viktig kontaktpunkt mot næringslivet for å få på plass utbyggingsavtalar og sikre ei framtidsretta utvikling av Øygardssamfunnet. I tillegg er ansvaret for klima og energi, mobilitet (pådrivar for innovative mobilitetsløysingar, koordinering av nytt Sotrasamband, Miljøløftet m.fl.), kjøp/sal av kommunale bygg og leigetilhøve lagt til eininga.

Administrasjonsspråket er nynorsk.

Våre verdiar:

Stolt - På lag - Modig - Med glød

Vi søkar Jurist/rådgjevar til eininga Eigedomsutvikling. Har du engasjement for eigedomsrett og trivast i eit miljø med høge forventningar, spennande arbeidsoppgåver og eit samfunn i stor utvikling? Då er dette kanskje stillinga for deg.

 

Arbeidsoppgåver:

• Arbeid med utbyggingsavtalar
• Sikre at gjennomføringsperspektivet i arbeidet med arealplanar vert ivaretatt frå planinitiativ til realisering.
• Delta i utbyggingsprosjekt med ansvar for kjøp av grunn og sikring av naudsynte rettigheiter for gjennomføring av prosjektet.
• Kjøp og sal av eigedom med tilhøyrande prosessar (t.d. tinglysing, frådeling, grensejustering m.m).
• Leigeforvaltning
• Handsame førespurnader til kommunen som grunneigar og nabo.
• Saksførebuing for politiske saker knytt til fagområde.
• Eigedomsrettsleg rådgjeving internt i kommunen kring fagfeltet.
• Andre oppgåver på eininga må og påreknast.

Kvalifikasjonar:Må ha:

• Master i rettsvitenskap

 

Ønskjeleg med:

• Erfaring med utbyggingsavtalar

• Erfaring med fast eigedoms rettsforhold
• Erfaring med prosessleiing

Personlege eigenskapar:

• Gode kommunikasjon- og samhandlings eigenskapar
• Utviklingsorientert og evne til å tenke heilskapleg
• Systematisk, evne til å prioritere og sikre gjennomføring
• Du skriv godt og presenterer gjerne munnleg for andre det du har skrevet
• Fleksibel
• Initiativrik og sjølvstendig

 

Vi tilbyr:

• Gode pensjons- og forsikringsordningar
• Motiverte og kunnskapsrike kollegaer
• Interessante utfordringar
• Høve til fagleg og personleg utvikling

Kontakt: 

Einingsleiar eigedomsutvikling, Reidun Våge Danielsen, tlf: 412 224 449

 

Øygarden kommune ønskjer eit arbeidsmiljø prega av mangfald, og at våre medarbeidarar i størst mogleg grad skal spegla mangfaldet i befolkninga. Vi oppmodar alle som er kvalifiserte til å søkja jobb hos oss uansett alder, funksjonsevne, kjønn, eller minoritetsbakgrunn. Som IA-verksemd ønskjer kommunen å leggja til rette for arbeidsforholda dersom du har behov for det.

Etter utløpet til søknadsfristen, vert det sett opp ei offentleg søkjarliste med namn, alder, stilling eller yrkestittel og bustads- eller arbeidskommune for kvar søkjar. Det kan gjerast unntak frå innsyn for opplysningar om ein søkjar dersom vedkomande sjølv ber om det. Opplysningar om ein søkjar, kan verta offentlege sjølv om søkjaren har bede om ikkje å vert ført opp på søkjarlista. Dersom oppmodinga ikkje vert teken til følgje, vert søkjaren varsla om dette. Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga.