Vil du bidra til ein reinare fjord? 

Arbeidsgjevar: Sogn friluftsråd 
Stillingstittel: Prosjektleiar: Marin forsøpling - Sognefjorden 
Stad: Sogn 
Søknadsfrist: 1. desember 
Tilsettingsform: 12 månaders engasjement i 100% 

Om stillinga 

Vil du bidra til ein reinare fjord? Me søkjer ein engasjert medarbeidar som vil arbeide med å førebygge og redusere omfanget av marin forsøpling i og langs Sognefjorden.  

Dette er ei spennande og givande stilling for deg som er engasjert i å ta vare på naturen. Stillinga inneber utvikling og gjennomføring av prosjekt, bidra til kunnskapsdeling og samarbeid på tvers av organisasjonar for å redusere omfanget av plast og anna forsøpling i naturen. Sentralt for arbeidet vil vere å kartlegge forsøpla område, støtte frivillig rydding, organisere ryddeaksjonar og gjennomføre skulebesøk.  

Ein vesentleg del av arbeidet vil gå med på å førebu ryddeaksjonen Rein Sognefjord, der ein vil samarbeide tett med prosjektleiar frå stiftinga Framtidshavet. 

Det vil vere rom for å påverke arbeidsoppgåvene innanfor rammene som er sett av våre finansieringskjelder.  

Stillinga har ei varigheit på 12 månader, med moglegheit for forlenging. 

Arbeidsoppgåver 

• Bidra til systematisk kartlegging av forsøpla område langs indre delar av Sognefjorden 

• Planlegging og gjennomføring av ryddeaksjonar 

• Samle folk - kommunar, frivillige organisasjonar, næringsliv og enkeltpersonar - til å bli med på laget. 

• Besøke skular og inspirere born og unge til å ta vare på naturen 

• Mobilisere til frivillig rydding og koordinere ryddeinnsats 

• Innsamling, analyse og formidling av data og resultat 

• Skrive søknader, rapportar og utvikle kommunikasjonsmateriell 

• Budsjettansvar med føring av prosjektrekneskap 

• Representere friluftsrådet i fagfora og nettverk 

• Sikre ein målretta og varig innsats for rydding av marint avfall 

Kvalifikasjonar 

• Fortrinnsvis høgare utdanning innan relevante fagfelt. Praktisk kompetanse og arbeidserfaring kan vege opp for kravet om høgare utdanning.  

• Erfaring med prosjektarbeid 

• God munnleg og skrifteleg framstillingsevne 

• Det er ynskjeleg med kunnskap om problemstillingar knytt til plast, avfall og marine miljø 

• Førarkort klasse B 

Personlege eigenskapar 

• Evne til å oppnå mål og resultat 

• Like å kombinere kontorjobbing med dagar ute i felt 

• Strukturert, sjølvstendig og flink til å samarbeide 

• Løysingsorientert og initiativrik 

Me tilbyr 

• Løn etter avtale 

• Fleksibel arbeidstid 

• Eit hyggeleg og inkluderande arbeidsmiljø 

• Kontorstad innanfor friluftsrådet sitt nedslagsfelt 

Om oss 

Sogn Friluftsråd er friluftsrådet som held til inst i Sognefjorden. Fjorden bind saman våre medlemskommunar Vik, Sogndal, Aurland, Lærdal, Årdal og Luster. Vi skal vi arbeide for eit attraktivt og tilgjengeleg friluftsliv i Sogn. Saman med kommunane og frivillige organisasjonar skal vi arbeide for at våre innbyggjarar får oppleve livsvarig friluftsglede, heile året!