PPT rådgjevar 50% vikariat – PPT.

Øygarden kommune er den nest største kommunen i Vestland fylke med omlag 38 500 innbyggjarar og 2 500 tilsette. Straume er kommunesenter (ca. 15 minutt køyring frå Bergen) med kommunedelsenter på Rong og i Skogsskiftet.

Øygarden kommune har sett seg som mål å vera ein framtidsretta og kunnskapsbasert samfunnsutviklar med fortrinn innanfor energi, teknologi og marine ressursar. Kommunen skal løfta fram viktige verdiar som felles kultur, språk og identitet. Vi har ambisjonar om å vera ein handlekraftig og effektiv organisasjon med god leiing, høg kompetanse og kvalitet.

Det vert no lyst ut vikariat som PPT rådgjevar 50 % frå 01.08.23 tom 31.07.23, under området Oppvekst.

Stillinga er i PP-tenesta, og vil ha ein sentral plass i tenesta sitt arbeid med rådgjeving til foreldre og tilsette i barnehage og skule, i møte med barn og unge, og sakkunnig utgreiingsarbeid. Vi legg vekt på å nytta den unike fagkompetansen til kvar enkelt medarbeidar.

PPT i nye Øygarden kommune er eit stort kontor som er organisert i 4 soneteam; nord, sør, aust, vest. Vi jobbar tverrfagleg, men og på tvers av sonene når det er trong for det.

Vi har fokus mot tidleg intervensjon og pedagogisk/psykologisk utviklingsarbeid, systemarbeid til hjelp for barnehage og skule.

Det tverrfaglege arbeidet vert tilrettelagt gjennom ulike samarbeidsorgan og team innan tenesta, og på tvers av tenester.

Øygarden kommune jobbar etter prinsippa i BTI – Betre Tverrfagleg Innsats!

Kontorarbeidsplassen er plassert sentralt i Straumeområdet.

 

Arbeidsoppgåver:

• Deltek i ulike tverrfaglege team og nettverk
• Konsultasjon, rådgiving og rettleiing med/til skular, barnehagar og andre
• Systemarbeid med skular og barnehagar
• Er ein del av eit tverrfagleg team internt på kontoret
• Utgreiing av barn og unge

 

Kvalifikasjonar: 

Må ha:

• Profesjonsstudium i psykologi med norsk autorisasjon, gjerne med spesialistutdanning.
• Anna relevant høgare utdanning kan bli vurdert ved mangel på søkjarar. Det er då ønskeleg med master i psykologi.  

 Ønskjeleg med:

• Praksis/erfaring med barn og unge, utgreiing, tiltaksutvikling og rettleiing.
• Testkompetanse og erfaring retta mot barn i barnehage/førskulealder/skole.

 

Personlege eigenskapar:

• Gode samarbeidsevner
• Evne til å arbeide fleksibelt, målretta og løysingsorientert
• Evne til å arbeide sjølvstendig og i team

 

Anna:

• Du må kunne bruka eigen bil i tenesta 
• Politiattest må framvisast ved tilsetting.

 

Vi tilbyr:

• Gode pensjons- og forsikringsordningar
• IA-bedrift
• Motiverte og kunnskapsrike kollegaer
• Interessante utfordringar
• Høve til fagleg og personleg utvikling

 

Kontakt: 

Merete Nygård Ingebrigtsen, 47248216

 

Øygarden kommune ønskjer eit arbeidsmiljø prega av mangfald, og at våre medarbeidarar i størst mogleg grad skal spegla mangfaldet i befolkninga. Vi oppmodar alle som er kvalifiserte til å søkja jobb hos oss uansett alder, funksjonsevne, kjønn, eller minoritetsbakgrunn. Som IA-verksemd ønskjer kommunen å leggja til rette for arbeidsforholda dersom du har behov for det.

Etter utløpet til søknadsfristen, vert det sett opp ei offentleg søkjarliste med namn, alder, stilling eller yrkestittel og bustads- eller arbeidskommune for kvar søkjar. Det kan gjerast unntak frå innsyn for opplysningar om ein søkjar dersom vedkomande sjølv ber om det. Opplysningar om ein søkjar, kan verta offentlege sjølv om søkjaren har bede om ikkje å vert ført opp på søkjarlista. Dersom oppmodinga ikkje vert teken til følgje, vert søkaren varsla om dette.

Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga.