Vil du arbeide med å utvikle våre tilsette og vår organisasjon?

Sunnfjord kommune ser etter ein engasjert og dyktig personalsjef som vil vere med på å forme framtida vår. Stillinga er ledig frå 1. august 2025 etter at vår noverande personalsjef går av med pensjon. Stillinga inngår for tida i kommunedirektøren si leiargruppe. Er du klar for å utfordre deg sjølv og leie eit team som set ein ny standard for personalutviklinga?

Som personalsjef vil du ha ansvar for vår personaleining, som i dag består av åtte dyktige medarbeidarar. Saman jobbar vi for å styrke Sunnfjord kommune som arbeidsgjevar, skape eit godt arbeidsmiljø og bidra til kontinuerleg fagleg utvikling. Du vil vere ein nøkkelperson i eit dynamisk team som jobbar tett med både leiarar, tillitsvalde og vernetenesta for å utvikle strategiar og tiltak som sikrar trivsel og god arbeidskvardag for alle tilsette.

Dine arbeidsområde vil inkludere:

• leie utviklinga av styringsdokument innan personal og HMT (helse, miljø og tryggleik)
• delta i spennande utviklingsprosjekt som formar framtida vår
• gje strategisk leiarstøtte og sørge for opplæring og kompetanseutvikling
• handtere personell- og arbeidsmiljøsaker
• utvikle og implementere løns- og forhandlingspolitikk for kommunen
• aktivt delta i partssamarbeidet med arbeidstakarorganisasjonar og verneteneste
• delta i dagleg drift i eininga og administrere frikjøp av HTV og HVO

Vi søker ein dyktig leiar med relevant høgare utdanning og solid erfaring innan personal- og leiing.  

For at du skal trivast og lykkast som personalsjef vil vi at du er:

• engasjert i fagleg utvikling og ivrig etter å samarbeide på tvers av organisasjonen
• Ein tydleg leiar som kan motivere, planlegge og gjennomføre viktige prosessar
• En leiar som ser og verdset den enkelte medarbeidar, og som har evne til å bygge tillit og gje ansvar

Vi tilbyr ei spennande og utfordrande leiarrolle i ei kommune i utvikling. Du vil få moglegheit til å forme og utvikle vår personalpolitikk og arbeid i eit arbeidsmiljø prega av samarbeid, gode kollega og god fagleg støtte.

Velkomen som søkar, vi ser fram til å høyre frå deg!