Giske kommune har frå 01.01.2021 ledig 100 % stilling som pedagogisk rådgjevar innanfor barnehageområdet. Stillinga er eit i to års vikariat, men kan bli fast. Stillinga ligg i rådmannen sin stab, og kommunalsjef for oppvekst er p.t næraste overordna. Arbeidsstad er Giske rådhus på Valderøya.

Giske kommune har eit mål om å utvikle berekraftige og framtidsretta tilbod med vekt på samspel og ei heilskapleg samfunnsutvikling. Med kommunen sin prioritering av omstilling og innovasjon er større og mindre prosjekt ein vanleg arbeidsmåte, ofte med eksterne partar og interkommunalt samarbeid.
Saman med Sula kommune blir utviklingsarbeidet To fram avslutta i haust, og framover skal kommunane og barnehagane sikre implementering av utarbeida kvalitetsdokument, standardar og rutiner. I samarbeid med skule- og helsesektoren skal ein sikre gode utviklingsvilkår for barn innafor autismespekteret i TALK-prosjektet. Giske kommune var realfagskommune i 2017 – 2019, og jobbar også med å oppretthalde barnehagane si auka kompetanse innafor dette området.

I tillegg til formell kompetanse vert personlege eigenskapar og at ein er skikka til stillinga vektlagt.

Dokumentasjon på utdanning skal skannast som vedlegg til søknaden.