Sogndal kommune søkjer pedagogisk rådgjevar som vil vere med å utvikle eit inkluderande og framtidsretta opplæringstilbod i hjartet av Sogn!

Her får du høve til å kombinere ei spanande karriere med eit liv i frisk luft og vakre omgjevnadar, med fjord, fjell og natur rett utanfor kontordøra. Kommunen er stor nok til mangfald og utvikling, men liten nok til å gje oversikt, tryggleik og nærleik til det meste. Om lag 1300 tilsette jobbar kontinuerleg med å fornye, forbetre og forenkle tenestene våre, til det beste for innbyggjarane våre. 

Om stillinga 
Som rådgjevar blir du ein del av oppvekstteamet i kommunen, og får jobbe tett på både skuleleiarar og kollegaer i organisasjonen og regionen. Du får høve til å påverke retning og utvikling, samstundes som du bidreg til gode og trygge læringsmiljø for elevar i heile Sogndalsskulen. 

Dine oppgåver

• Rettleiing og sakshandsaming etter opplæringslova med forskrifter 

• Utviklingsarbeid knytt til inkludering, fagleg kvalitet og kompetanse for framtida 

• System- og kvalitetsarbeid i oppvekst og skule 

• Bidra til utvikling av gode strukturar for samarbeid og læring 

• Følgje opp prioriteringar i Sogndalsskulen og tverrfagleg samhandling 
  
  

• Relevant høgare pedagogisk utdanning 

• God kjennskap til opplæringslova 

• Erfaring frå skuleverket og pedagogisk utviklingsarbeid 

• Evne til å sjå heilskap og er utviklingsorientert 
  
  

Personlege eigenskapar 

Me ser etter deg som er engasjert, samarbeidsorientert og initiativrik. Du må trivast både med å jobbe sjølvstendig og i team, vere strukturert og analytisk, og ha gode formidlingsevner skriftleg og munnleg. Det vil bli lagt stor vekt på søkaren sine personlege eigenskapar. 

Me tilbyr 

• Ein meiningsfull jobb der du kan vere med og setje retning for framtidas skule 

• Eit godt og utviklingsorientert arbeidsmiljø 

• Gode pensjons-, forsikrings- og velferdsordningar 

• Moglegheit til å påverke og bidra til utvikling i ein kommune som legg vekt på læring og fellesskap