Vil du ha ein jobb der du får vere tett på menneske og gjere ein positiv forskjell i kvardagen deira? 

Victoriahagen er ein del av Bu- og miljøtenesta i Sogndal kommune. Me gir tenester til menneske med ulike funksjonsnedsettingar og samansette behov, og arbeider for å skape trygge, meiningsfulle og utviklande kvardagar for den enkelte.  

Turnusordninga inneber 13 timars vakter i kombinasjon med korte kveldsvakter. 

No søkjer me fleire nye kollegaer som ønskjer å vere med på laget vårt til stillingane som er ledig frå dags dato:  

Fast tilsetjing:

• 3 x 100 % miljøterapeut 

• 1 x 60 % helsefagarbeidar 

• 3 x 65,7 % helsefagarbeidar natt 

Vikariat:

• 1 x 75 % helsefagarbeidar fram til 31.01.2027 

Oppstart etter avtale. 

Korleis er det å jobbe i Victoriahagen? 
Hjå oss blir du del av eit fagmiljø som arbeider målretta for å gi gode tenester og auka livskvalitet til brukarane våre. Me legg vekt på relasjonar, meistring, aktivitet og individtilpassa oppfølging. 

Målet vårt er og ha eit lag som samarbeider tett, støttar kvarandre og deler kunnskap og erfaringar. Samtidig får du stor moglegheit til å påverke eigen arbeidskvardag og bidra med eigne idéar. 

Arbeidsoppgåver 

Arbeidsoppgåvene vil variere noko mellom stillingane, men kan mellom anna omfatte: 

• Målretta miljøarbeid og individuell oppfølging 

• Personleg assistanse og praktisk bistand 

• Opplæring og rettleiing i dagleglivet 

• Samarbeid med pårørande og andre fagpersonar 

• Dokumentasjon og fagleg oppfølging 

• Legemiddelhandtering etter kompetanse og fullmakt 

• Primærkontakt- og koordinatoroppgåver ved behov 

• Aktiv deltaking i fagutvikling og kvalitetsarbeid 

Arbeidet ved nattestillingane omfattar særleg oppfølging og trygging av brukarane gjennom natta samt helsefagoppgåver. 

Kven ser me etter? 
For miljøterapeut-stillingane: Du har relevant 3-årig helse-, sosial- eller pedagogisk utdanning frå høgskule eller universitet. 

For helsefagarbeidar-stillingane må du ha autorisasjon som helsefagarbeidar. 

For alle stillingane ønskjer me at du: 

• Er trygg i møte med menneske 

• Er sjølvstendig og ansvarsbevisst 

• Samarbeider godt med andre 

• Bidreg til eit godt arbeidsmiljø 

• Ønskjer å vere med og utvikle tenestene våre 

Personlege eigenskapar vil bli tillagt stor vekt. 

Me tilbyr: 

• Meiningsfulle arbeidsdagar der du ser resultat av arbeidet ditt 

• Godt arbeidsmiljø og engasjerte kollegaer 

• Fagleg utvikling og rettleiing 

• Varierte arbeidsoppgåver 

• Løn etter tariff 

• Gode pensjons- og forsikringsordningar 

• Gratis overnatting mellom vaktene