Vil du kombinere teknisk fagansvar med utvikling av framtidas oppdrettsanlegg?

Me søkjer ein strukturert og fagleg engasjert NYTEK-ansvarleg som vil bidra til å sikre at våre oppdrettsanlegg er framtidsretta, held høg teknisk standard, og at drifta skjer i samsvar med gjeldande krav og regelverk. 

 

Du får ei sentral fagrolle i den tekniske utviklinga i Lingalaks, med ansvar for NYTEK-arbeidet og moglegheit til å påverke val av anleggsløysingar og utstyr. Rolla kombinerer utviklingsoppgåver og tekniske og økonomiske vurderingar med oppfølging av teknisk tryggleik, dokumentasjon og kontroll. Du arbeider tett med driftsorganisasjonen, teknisk personell, leverandørar og eksterne fagmiljø for å omsetje faglege vurderingar til praktiske forbetringar.

Som fagansvarleg følgjer du opp at anlegga oppfyller gjeldande tekniske krav. NYTEK23 er ein sentral del av ansvaret og skal bidra til å førebyggje rømming gjennom forsvarleg teknisk standard på akvakulturanlegga.

Kvalifikasjonar 

Me ønskjer at du har:

• Relevant teknisk utdanning (3-5 års høgare utdanning), gjerne innan havbruk, marinteknikk, maskin, konstruksjon eller tilsvarande. 
  
• Erfaring frå havbruksnæringa og god kjennskap til tekniske oppdrettsanlegg. 
  
• God forståing for NYTEK23, NS 9415:2021 og relevant regelverk. 
  
• Erfaring med teknisk dokumentasjon, kontroll og systematisk oppfølging. 
  
• God digital kompetanse og erfaring med dokumentasjons- og kvalitetssystem. 
  
• Erfaring frå bruk av Aquacom som vedlikehaldssystem 
  
• Gode norskkunnskapar, både munnleg og skriftleg. 
  
• Førararkort klasse B. 
  
• Relevant erfaring kan kompensere for manglande formell utdanning. 
  

Personlege eigenskapar 

Me ser etter deg som: 

• Arbeider strukturert og systematisk. 
  
• Har god gjennomføringsevne og tek eigarskap til oppgåvene dine. 
  
• Er sjølvstendig, men trivst med samarbeid på tvers av organisasjonen. 
  
• Har god vurderingsevne og eit sterkt fokus på tryggleik og kvalitet. 
  
• Er løysingsorientert og evnar å sjå heilskapen i tekniske og operative problemstillingar. 
  
• Kommuniserer godt med både operative medarbeidarar og eksterne fagmiljø. 
  

Lingalaks tilbyr:  

• Ei sentral og viktig rolle i eit framtidsretta oppdrettsselskap. 
  
• Moglegheit til å påverke og vidareutvikle selskapet sitt arbeid med teknisk tryggleik og kvalitet. 
  
• Varierte arbeidsoppgåver med stor grad av sjølvstende og ansvar. 
  
• Eit godt fagleg og sosialt arbeidsmiljø. 
  
• Konkurransedyktige løns- og arbeidsvilkår. 
  
• Gode moglegheiter for fagleg utvikling. 
  

Anna: 

• Arbeidsstad: Norheimsund 
  
• Stillingsprosent: 100%