Det er oppretta ny fastlegeheimel i Giske kommune med oppstart 01.09.2020 eller etter avtale.

Heimelen er knytt til Giske kommunale legesenter. Legesenteret er lokalisert på Ytterland på Valderøya. Gruppepraksis med totalt ni fastlegar og ein LIS1. Senteret er velorganisert og har fokus på godt arbeidsmiljø og samarbeid. Journalsystemet er Infodoc Plenario.

Det er ikkje knytt kommunale oppgåver til stillinga.

Fastlegen arbeider som sjølvstendig næringsdrivande. Heimelen er nyoppretta og utan krav om betaling av praksiskompensasjon. Listetak blir sett etter avtale. Det vil bli overført ein andel pasientar frå andre fastlegelister i kommunen til den nye heimelen.

Legen inngår leigeavtale med eige driftsselskap, Giske kommunale legesenter AS til gunstige leigevilkår.
Deltaking i 10-delt legevakt kveld og helg ved Giske legevakt og interkommunal nattlegevakt i Ålesund med minimum 5 nattevakter i året.

I tillegg til formell kompetanse blir personlege eigenskapar og at ein er skikka for stillinga vektlagt.