Vi søkjer etter ein engasjert og fagleg dyktig nestleiar i 100% stilling til barneverntenesta, då vår noverande nestleiar skal pensjonerast på nyåret. Som nestleiar ønskjer vi oss ein engasjert medarbeidar som vil få eit særskilt ansvar for arbeid med kompetanseutvikling i tenesta. Nestleiaren vil ha eit nært samarbeid med leiar av tenesta, både som diskusjonspartnar og i oppgåver i dagleg drift. I leiar sitt fråvær vil det og vere nestleiar som tek over leiinga av barneverntenesta.

I tett dialog med leiar vil du få eit særskild ansvar for oppgåver som introduksjon av nye tilsette og å sikre gode opplæringsplanar i tenesta. Det vil og ligge til stillinga å følgje opp kompetanse- og utviklingsplanar. Det er difor viktig at du trivast med faglege rettleiing og er oppteken av kompetanseutvikling.  

Barnevernfeltet er i stadig utvikling, og du som nestleiar vil vere ein viktig samarbeidspart for barnevernleiar for å sikre gode tenester til brukarane i HAFS.

Interessert i vite meir om oppgåvene og arbeidsplassen? Då håper vi du tek kontakt med oss. 

Arbeidsoppgåver

• Ansvar for opplæring og kompetanseheving
• Sakshandsaming etter barnevernlova
• Systematisk arbeid med meldingar, undersøkingar og tiltak
• Fosterheimsoppfølging
• Samarbeid med andre instansar
• Direkte tiltaksarbeid med barn og foreldre
• Arbeid med akutte situasjonar/kriser
• Oppfølging av oppdragstakarar i tiltak
• Deltaking i interkommunal telefonvakt som er delt mellom 7 kommunar
• Oppfølging av drift av barneverntenesta i samarbeid med leiar 

Kompetanse

• Minimum 3-årig høgskuleutdanning, fortrinnsvis som barnevernspedagog eller sosionom
• Brei erfaring frå relevant kommunalt/statleg barnevernsarbeid
• God kompetanse på gjeldande rutinar og lovverk

Personlege eigenskapar

• Gode rettleiingsevner
• Kunne leie faglege møte både internt og eksternt
• Stå stødig i vanskelege avgjersler
• Ha godt overblikk over samarbeidsinstansar og -system
• Gode samarbeidsevner internt og eksternt

Vi tilbyr

• Konkurransedyktig løn etter lokal avtale
• Gode pensjonsordningar
• Rabatterte forsikringar i KLP

Vi gjer merksam på at søkjarliste med namn, kjønn, alder og noverande stilling i utgangspunktet er offentleg. Dersom det ikkje er særlege grunnar for å unnta offentleggjering, vil søkjaren verte kontakta og få høve til å trekke søknaden sin før søkjarliste vert gjort offentleg.