Sula kommune, Bu- og aktivitetstenesta søkjer ein engasjert og omsorgsfull medarbeidar til ei 100 % fast stilling knytt til oppfølging av ei ung dame i avdeling Nymarkvegen.

Bu- og aktivitetstenesta yter tenester til personar med ulike former for nedsett funksjonsevne. Tenestemottakarane har funksjonsnedsetjingar som følgje av medfødde eller erverva tilstandar. Tenesta omfattar mellom anna praktisk bistand, personleg hjelp, målretta miljøarbeid i heimen, sysselsetjing og aktivisering, opplæring ved arbeidssenter og dagsenter, privat avlasting og avlasting i institusjon, støttekontakttenester og brukarstyrt personleg assistanse (BPA).

I denne stillinga vil du vere ein viktig del av eit fagleg og engasjert team som arbeider for å skape ein trygg, aktiv og meiningsfull kvardag for tenestemottakaren. Gjennom målretta miljøarbeid og tett oppfølging skal du bidra til meistring, deltaking og livskvalitet.

Stillinga inngår i tredelt turnus med dag-, kvelds- og nattevakter. Turnusen omfattar vakter på inntil 14 timar og nattevakter på inntil 12,5 timar.

Kvalifikasjoner:

• Vi søkjer assistentar og helsefagarbeidarar. 
• Gjerne erfaring  innan psykisk helsearbeid.  
• Det er ynskjeleg med kjennskap til/ erfaring frå arbeide med menneske med ulike hjelpebehov. 
• Kunnskap om målretta miljøarbeid og brukarorienterte tenester er ønskjeleg
• Relevant praksis og erfaring vert føretrekt.
• Krav om førarkort og politiattest.
• Datakunnskap
• Gode kunnskapar i norsk, både munnleg og skriftleg.
  
• Politiattest må leggjast fram før tiltreding

Personlige egenskaper:

• Forutan gode og faglege kvalifikasjonar, ser vi etter ein person med god framferd som likar å arbeide med menneske.
• Du må vere stabil, fleksibel, pliktoppfyllande og tålmodig.
• Evne til å motivere og engasjere
• Løysningsorientert og stor interesse for fagfeltet 
• Du må ha gode samarbeidsevne og bidra positiv i ei arbeidsmiljø.
• Du må kunne stå i og takle uførutsette situasjonar. 
• Tenestemottakar har katt så du kan ikkje ha allergi.
• Personlege eigenskapar vert vektlagd.

Vi tilbyr:

• Ei meiningsfull og variert stilling med høve til å gjere ein forskjell i kvardagen til andre
• Faglege utfordringar og moglegheit for utvikling
• Eit godt arbeidsmiljø med engasjerte og kompetente kollegaer
• Rettleiing og opplæring etter behov
• Løn etter gjeldande tariffavtale
• Gode pensjons- og forsikringsordningar
• 20 års ansiennitetsstige. Kr 5716 pr. år.
• Lokalt tillegg for helsepersonell. Kr 6500 for helse- og/eller sosialfagleg utdanning, kr 5000 for helsefagarbeidar ( justerast etter stillingsprosent).
• Lokalt tillegg for arbeid på helg. Sjukepleiar/ vernepleiar kr 8000 pr. år, andre kr 4000 pr. år. 

Velkommen som søkjar til Sula kommune!